AGRICULTURA ECOLÓXICA

O pasado mércores dous dos compoñentes da Asociación para o desenvolvemento rural sostible Grelo Verde viñeron  a Biblioteca do Rato para contarnos en que consiste a agricultura e a gandeiría ecolóxicas. Aprendemos unha chea de cousas así como todo aquilo que está prohibido e permitido neste tipo de agricultura e gandeiría , os beneficios , ventaxas etc.
Finalmente os alumnos do primeiro e segundo grupo elaboraron uns traballiños moi ben feitos que podedes ver no seguinte enlace. Como resultado deste traballo a Asociación  Grelo Verde obsequiaron aos nenos con un surtido de productos ecolóxicos.

Make your own free scrapbook design

RECITADO DE POEMAS

Os nenos e nenas do primeiro grupo de primaria recitaron a Rosalía. Este ano o Día de Rosalía ten unha especial relevancia, pois cúmprense 150 anos da publicación de Cantares Gallegos. 
Pódense oír no seguinte vídeo:

                                              

24 DE FEBREIRO DÍA DE ROSALÍA

Celebramos o día de Rosalía cun recitado dos seus poemas por parte dos alumnos de primaria. Ademais, os nenos e nenas do terceiro ciclo realizarán unha webquest para buscar información sobre a autora de Cantares Gallegos. De seguido tendes un poema de Rosalía musicado por Amancio Prada.

XA ESTAMOS DE ENTROIDO !

No colexio estamos a ultimar os preparativos para festexar o Entroido. Deste xeito aquí vos deixo as ordes do meco que debedes respectar durante a próxima semana. O resultado final de todas as ordes será un pallaso. Así que poñédevos a rebulir no armario que de seguro atoparedes: gravatas do avó, paxarelas de teu pai , perrucas de cores, gorros chistosos, camisas coloridas, pantalóns xigantes, zapatóns enormes, tirantes... Vale todo aquilo que un pallaso poda levar!. E por supusto non vos esquezaces da maquillaxe. Un pallaso sen nariz vermello e boca pintada non é un pallaso! Espero que o pasades moi ben!

Customize a picture collage

Paz na aula

Desde a biblioteca achegamos uns enlaces para traballar a Paz na aula:

http://rosa-infantil-rc.blogspot.com.es/2011/01/actividades-para-o-dia-da-paz.html

   http://miclase.wordpress.com/category/celebraciones/dia-de-la-paz

/http://www.orientacionandujar.es/2011/01/25/1001-materiales-enlaces-y-documentos-para-trabajar-el-dia-de-la-pazhttp://www.orientacionandujar.es/2011/01/25/1001-materiales-enlaces-y-documentos-para-trabajar-el-dia-de-la-paz/

VESTIMOS DE PAZ O NOSO COLEXIO

Estes días no noso colexio abundan as mensaxes e desexos de PAZ onde os valores máis nomeados son a amistade, a igualdade, o amor e a solidariedade, entre outros moitos, protagonistas dos contos e poemas que estamos preparando para o mércores 30 de xaneiro.
Todos os alumnos do colexio adornaron a árbore da PAZ con distintos debuxos de nenos de diferentes nacionalidades para fomentar a igualdade.
Así mesmo, os alumnos de Educación Infantil fixeron un mural onde eles mesmos son os mariñeiros dun gran barco de papel que navega polo mar, rexeitando a guerra e buscando a paz, tal e como di a canción que están preparando.
Os alumnos de Primaria fixeron un mural con coloridos mandalas sobre os cales colocaron unha gran pomba.
Todos estes traballiños os podedes ver no seguinte enlace.

Free photo slideshow made with Smilebox

UNHA ESCRITORA DE L.I.X. NA ACADEMIA

A RAG (Real Academia Galega) acaba de elixir a Fina Casalderrey como académica numeraria.

Con Fina entra na Academia unha muller (por méritos propios) pero tamén a literatura infantil e xuvenil. Diso vai tratar o seu discurso de entrada, escoitaremos esas palabras que tratan desta literatura non sempre asumida como LITERATURA (con maiúsculas).

Realmente estamos de noraboa, pois sentímonos moi ben representadas por esta muller que entre outros conta con Premio Nacional de Literatura Infantil e Xuvenil. Unha muller que ademais é mestra (¿acaso se deixa de ser por non ir xa á escola?) e, polo tanto, mediadora do libro. Unha académica de luxo!

Déixate axudar

Nestes días nos que se fala de paz, de amizade, de boas intencións...   deixamos aquí este vídeo da Fundación Khanimambo para invitar a todos á reflexión ...

Preparando o día da PAZ

Acércase o día 30 de xaneiro, unha data importante para os centros educativos, pois ese día celebramos o día da PAZ. Na biblioteca do Rato estamos a preparar unhas cantas actividades: poemas, contos, desexos de paz...e tamén unhas cancións. Os cativos de Ed. Infantil están aprendendo a canción Barquito de papel, e os de primaria a titulada ¿Por qué no ser amigos?, con letra de El Canto del loco e Hombres G.

 

 

A canción dos alumnos de primaria podedes vela no seguinte enlace:

 

http://www.youtube.com/watch?v=MuJaOAMu5C0