martes, 20 de diciembre de 2011

viernes, 16 de diciembre de 2011

LIBROS DE NADAL




Na nosa biblio temos unha morea de contos de Nadal para vivir aventuras emocionates durante estas vacacións de Nadal. Nesta foto podedes ver a exposición que fixemos con estes libros.

BO NADAL







jueves, 15 de diciembre de 2011

AS NOSAS POSTAIS

Velaquí as postais de Nadal que este ano fixeron todos os nenos e nenas do cole. Están expostas á entrada adornando unha bonita árbore, sumándose así a outros adornos desta época do ano.




lunes, 12 de diciembre de 2011

os alumnos crean

A Álvaro de 4º curso e máis a Lara de 6º curso gústalles escribir. Hoxe deixáronnos estas mostras para compartir con todos vós.




viernes, 9 de diciembre de 2011

ACHÉGASE O NADAL!











Un ano máis celebramos o Nadal no colexio. Nestas datas celebramos o festival anual polo que andamos atarefados ensaiando para que todo saia a perfección. Mentres tanto deixámosvos un adianto do decorado navideño deste ano. Aproveitamos a ocasión para invitarvos á celebración do festival de Nadal que será o próximo martes día 20 a partir das tres da tarde.

jueves, 10 de noviembre de 2011

CELEBRAMOS O MAGOSTO

Despois de traballar toda a semana sobre o magosto, a súa tradición e despois de recompliar os seus refráns e as súas cantigas celebramos un ano máis o magosto no colexio.
Primeiro asamos as castañas, xantamos, queimamos os medos que redactamos na semana do Samaín e por último xogamos aos xogos típicos desta festividade. Foi unha xornada inesquecible.

http://www.youtube.com/watch?v=KrKLCpAR0Jo

jueves, 3 de noviembre de 2011

A FESTA DO SAMAÍN

O pasado venres 28 de Outubro celebramos a festa do Samaín. Pola mañá lemos contos de bruxas e pantasmas e documentámonos na historia e tradicción do Samaín. Despois vimos unha película e pola tarde disfrazámonos e xogamos aos xogos típicos desta celebración. Velaí vai a proba do ben que o pasamos
http://www.youtube.com/watch?v=_vH5nKaNCP4

jueves, 27 de octubre de 2011

AS CABAZAS DOS NENOS DE RAMIRÁS

Mirade qué cabazas máis xeitosiñas fixemos!

http://www.youtube.com/watch?v=3PoqZhue1a4

Xa recibimos os marcapáxinas do Ceip Sarreaus

Estes son os marcapáxinas que nos enviaron os alumnos do Ceip Sarreaus. Xa non temos escusa para non ler. Moitísimas grazas!

miércoles, 26 de octubre de 2011

DÍA DAS BIBLIOTECAS ESCOLARES

Celebramos o día das bibliotecas escolares cuns contacontos moi especiais: os propios nenos e nenas. Os máis pequenos representaron para todos nós Garavanciño, de Olalla González, e os máis maiores representáronnos Co dedo no nariz, de Daniela Kulot.
































































viernes, 21 de octubre de 2011

INTERCAMBIO DE MARCAPÁXINAS CO CEIP SARREAUS


Para facer as nosas lecturas máis emocionantes fixemos un marcapáxinas terroríficos aproveitando a celebración do Samaín. Éstes intercambiarémolos cos alumdos do Ceip Sarreaus. Esperemos que lle gusten. Nos esperamos con emoción os seus.

lunes, 17 de octubre de 2011

CHEGOU O SAMAÍN




Durante estas semanas estamos a preparar todo para a celebración do Samaín.
Estamonos documentando sobre a súa historia e tradicción.
Aquí tendes a proba do nosos traballo. E iso non é todo para a próxima semana faremos unha exposición de cabazas e unha festa.Espero que vos guste!!!

martes, 27 de septiembre de 2011

Benvidos á Biblioteca do Rato

Ola a tod@s| Xa estamos de volta e desde a biblio queremos invitarvos a toda a comunidade educativa a que veñades por libros. Temos novidades que vos van encantar.

jueves, 30 de junio de 2011

Felices lecturas e felices vacacións

Para despedir o curso aí van as recomendacións lectoras para o verán. Desde a biblioteca desexámosvos a tod@s que disfrutedes lendo.





O departamento de orientación tamén vos recomenda:


miércoles, 1 de junio de 2011

A insoportable levedade das bebes galegas

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?

sábado, 28 de mayo de 2011

Lois Pereiro

No primeiro e segundo ciclos tamén traballamos sobre Lois Pereiro. Velaquí unha escolma dos nosos traballos

martes, 24 de mayo de 2011

Mural Lois Pereiro










Como ven sendo habitual nos últimos cursos, os nenos e nenas de terceiro ciclo fixeron un mural sobre Lois Pereiro. Nel destacaron datos da súa vida e obra.



lunes, 16 de mayo de 2011

TEATRO

Empezamos a semana das letras galegas asistindo aos XVI Encontros de Teatro Escolar e Amateur de Bande. O noso cole participou con dúas obriñas que representaron os nenos e nenas de 2º e 3º ciclos.


A muller e o avogado é o título da peza que representaron os cativ@s do segundo ciclo. Mirade que bos actores!!!








Aínda que tamén nos rimos ben cuns pacientes e un doutor moi especiais: os alumn@s de terceiro ciclo representando a obra A consulta do doutor Torniquete.






lunes, 9 de mayo de 2011

LOIS PEREIRO

Lois Pereiro, o poeta de Monforte de Lemos, é este ano o homenaxeado no día das letras galegas. Na biblioteca do rato estamos a traballar para saber un pouco máis sobre este autor. Nos seguintes enlaces atoparedes máis datos sobre a súa vida e obra:


http://bibliotecash.blogspot.com/2011/05/letras-galegas-o-ano-de-lois-pereiro.html


http://www.dipity.com/biblosvivos/Lois-Pereiro/


Aínda que tamén podedes facer divertidas actividades pinchando aquí

martes, 3 de mayo de 2011

Lecturas de ida y vuelta

O día catro de maio finaliza o prazo para o préstamo que tivemos na nosa biblioteca de "lecturas de ida y vuelta" da Fundación Germán Sánchez Ruipérez. Durante dous meses tod@s puidemos disfrutar coa colección "para saber más y más". A partir do día cinco recibiremos a seguinte colección "Leer a carcajadas" (esperemos que así sexa).Os libros máis vistos/lidos das actuais maletas foron os seguintes:

jueves, 28 de abril de 2011

Día do libro

No cole de Ramirás celebramos este mércores o día do libro. A actividade gustou a grandes e pequenos e consistiu no seguinte: a metade dos nenos (segundo e terceiro ciclos) leulle un conto á outra metade (nenos/as de 1º ciclo e Ed. Infantil). Aproveitando o bo día, a lectura realizouse pola tarde no patio. Cada parella buscou o lugar máis axeitado e todos disfrutamos dunha moi agradable lectura ao aire libre.





Outros divírtense doutra maneira cos libros

video

sábado, 16 de abril de 2011

El Cid


No pasado trimestre os nenos e nenas do terceiro ciclo achegáronse á figura do Cid grazas á lectura da obra adaptada "El Cid contado a los niños". Dita obra estaba programada nas lecturas de lingua castelá. Despois de ler o texto tanto os nenos/as de terceiro como os de segundo ciclo viron a película "El Cid, la leyenda". Despois de comentar as diferenzas e similitudes entre o libro e a película, os alumno@s fixeron os seus resumos.






lunes, 11 de abril de 2011

Encontros PLAMBE 2011

O venres, 8 de abril, estiven nos Encontros PLAMBE das bibliotecas escolares de Galicia. Xa tiña participado nas xornadas que se celebran en outono, pero agora fíxeno como responsable da bibliotaca (levo pouco tempo). É de grandísima axuda o que alí se aprende. Ver o ánimo e entusiasmo de tanta xente tamén axuda a levantar o propio. Noraboa Cristina e Pilar pola organización. Todo moi, moi ben, pero o final co Sr. Neira Vilas foi apoteósico. Encarna dende Ramirás. Podedes ver os materiais, entrando como convidado no espazo moodle no seguinte enlace: http://www.edu.xunta.es/biblioteca/blog/

lunes, 4 de abril de 2011

DÍA DO LIBRO INFANTIL



O venres primeiro de abril celebramos no cole o día do libro infantil cunha sesión de contacontos moi especial. Os nenos e nenas do terceiro ciclo leron para o resto dos seus compañeiros "O parrulo feo" de Hans Christian Andersen. Dita celebración coincide coa data de nacemento deste autor danés, por eso nada mellor que ler un dos seus contos.

lunes, 28 de marzo de 2011

22 de marzo, DÍA MUNDIAL DA AUGA


Coincidindo co Día Mundial da Auga, no noso cole aprendemos cos bolechas como aforrar auga. A lectura deste libriño fíxonos reflexionar sobre o bo ou mal uso que facemos dela. Recordamos que a auga é a base da vida e un ben escaso e preciado que debemos xestionar de maneira racional para o noso propio beneficio e benestar e o da natureza que nos rodea.



domingo, 27 de marzo de 2011

DÍA DA ÁRBORE

Con motivo do día da árbore, técnicos de medioambiente déronlle unha charla na biblioteca aos nenos e nenas do cole. Logo plantáronse árbores na zona do patio adicada a tal fin.
video

sábado, 26 de marzo de 2011

Uns días na neve !!!

Un grupo de nenos e nenas do segundo e terceiro ciclos do cole de Ramirás pasaron tres días en Manzaneda. Foron uns días moi intensos nos que os cativos aprenderon a esquiar, ademais doutras actividades. Unha das mais enriquecedoras foi a convivencia con alumnos/as doutros coles. Quedaron todos moi contentos coa experiencia, sobre todo o contacto coa neve, pois na súa localidade raras veces a ven.

domingo, 13 de marzo de 2011

O NOSO ENTROIDO

En tempos de entroido poñémonos man as tesouras, pegamentos, papeis... para facer os nosos disfraces e aquí tendes o noso traballo...