O 21 de novembro o alumnado de 2º a 6º desprazouse ata Muíños para participar nas carreiras de campo a través que están enmarcadas dentro do programa XOGADE.
Pasamos unha mañá agradable
gozando da natureza, ademais de correr e pasalo ben. Aquí vos deixamos algunhas
imaxes dese día.
No cole conmemoramos o Día iternacional da eliminación da violencia de xénero baixo o lema Axúdanos a pór moitas lentes violetas.
Para este lema tomamos prestada a
metáfora "das lentes violetas" de Gemma Lienas, autora do libro O diario
violeta de Carlota. Este libro conta a historia dunha nena que recibe a misión da
súa avoa de observar o mundo cunhas lentes violetas, é dicir desde unha óptica
feminista e igualitaria. Nós tamén quixemos pór as lentes violetas para
ser conscientes das discriminacións que día a día sofren as mulleres.
Ademais, o alumnado de 4º e 6º
desprazouse ata Celanova para participar, con outros centros da contorna, nun acto conmemorativo.
Contounos de forma lúdica como manter unha adecuada hixiene e saúde bucodental, para iso falounos do cepillado e da alimentación.
Foi moi interesante e aprendemos unha chea de cousas.
Aquí vos deixamos un
vídeo que resume o noso magosto. Foi unha mágoa que o tempo non nos deixase
gozar ao aire libre, pero asegurámosvos que aínda así pasámolo xenial.
É
sabido por todos que neste colexio gústanos celebrar o Samaín. Este ano non ía
ser menos! Pasámonolo xenial con todas as actividades que realizamos e, por
suposto, coa visita ao Túnel da Bruxa.
Deixámosvos un vídeo que recolle algún dos
momentos máis divertidos e terroríficos da semana pasada.
O Rato está moi contento de ter
na súa biblioteca un novo libro formado polos relatos de medo escritos polo
alumnado e as súas familias.
Picando na seguinte imaxe podedes
gozar de todos eles.
No cole esta semana celebramos o día das Bibliotecas e a nosa actividade estrela foi a visita de Andrea Maceiras.
Andrea é unha escritora galega de
literatura xuvenil e o noso alumnado tivo a oportunidade de charlar con ela.
Contounos que as ideas dos seus libros ás veces xorden de forma inesperada. Por
exemplo, o seu libro Alma de elefante foi escrito a partir dun debuxo feito a
lapis que se atopou no chan do templo de Banteay Srei na súa viaxe a Camboxa.
Ademais, Andrea animounos a que
plasmemos en papel as nosas propias historias e a gozar das aventuras que conta
nos seus libros.
Xa comezado este curso escolar,
dámosvos a benvida a nosa biblioteca. O rato ábrevos as portas con moita
ilusión e ganas de que vivades aventuras novas subidos nos libros que garda no
seu tobo.
Neste vídeo ensinámosvos como o
alumnado de Educación Primaria realizou o primeiro préstamo.
Este ano damos comezo a un novo
proxecto titulado "CULTURIZÁNDOTE EN GALICIA", co obxectivo de que o
noso alumnado coñeza a súa contorna máis próxima e tome conciencia da
importancia da súa conservación.
A semana previa a celebración das letras galegas, dedicámonos a informarnos sobre a vida e obra de Francisco Fernández del Riego. Cadra grupo realizou actividades que atopamos na páxina do seminario Galán.
Tamén vos deixamos a obra de teatro que prepararon os alumnos de 4º, 5º e 6º de primaria titulada "Restaurante o Farruco". Para vela picade no seguinte enlace:
.jpg)
Do 17 ao 21 de abril, celebramos a semana da libro. Para celebrala durante esa semana levouse a cabo os apadriñamentos lectores desde educación infantil a sexto de educación primaria.
Desfrutamos moito todos xuntos lendo ó aire libre.
O pasado 13 de abril, o alumnado de primaria acudiu a InnovArt 2023 no Gaiás Cidade da Cultura en Santiago de Compostela. Trátase dun evento que aglutina as ensinanzas artísticas, as ensinanzas de idiomas e as ensinanzas deportivas que se imparten en Galicia. As actividades nas que se podía participar eran:
- Mostras e exhibición das distintas ensinanzas.
- Obradoiros de artes plásticas e deseño.
-Traballos de conservación e restauración de bens culturais.
- Actividades didácticas de música e danza, así como de idiomas.
- Actividades deportivas.
- Espazos escénicos con actuacións en directo.
O pasado mes de marzo tivemos unha visita moi especial. Lito visitou o noso cole para facer un obradoiro de xogos populares.
O día 8 de marzo conmemoramos o día internacional da muller. Para celebralo, nesta ocasión acudiu ao centro a contacontos Uxía Morán para expor os seguintes contos: "Ricitos de oso", "Maruxa", "Guapa", "Princesa rebelde", "Daniela pirata".
Tamén fixemos distintas actividades nas aulas, como un ordenador conmemorativo e unhas flores moi bonitas que colocamos nun mural que fixemos sobre Frida Kahlo.
Aquí tedes unhas fotiños das actividades.
.JPG)
O pasado 2 de marzo, os alumnos e alumnas de 4º, 5º e 6º de EP asistiron a unha charla impartida pola Garda Civil sobre CIBERSEGURIDADE.
Esta charla é unha das actuacións incluídas dentro do Plan Director para a convivencia e a mellora da seguridade nos centros educativos e nos seus contornos, impartidas por persoas expertas das Forzas e Corpos de Seguridade do Estado.
.jpg)
.jpg)
Este ano no Rogelio García Yáñez conmemoramos o días da nosa escritora máis internacional elaborando unhas casiñas con poemas seus.
FELIZ DÍA!!!!
O pasado xoves 23 de febreiro visitou o noso cole o nutricionista Miguel Portomeñe, que forma parte do servizo de atención primaria de Celanova, para realizar un taller titulado "Comendo cores" sobre nutrición e alimentación saudable.
Un ano máis o ENTROIDO está chegando. Aquí vos deixamos os mandatos deste ano. O venres, cada neno/a poderá vir ao colexio co disfrace que máis lle guste e desfrutaremos desta festa que tanto nos gusta.
Recordade que no ENTROIDO DE RAMIRÁS, manda o RATO e ninguén máis!!
