miércoles, 21 de diciembre de 2016

FESTIVAL DE NADAL

Onte foi un día moi especial para o noso cole. Festexamos o tradicional Festival de Nadal.
Foi un día de moitos nervios, ilusión que quedaron reflectidos en todas e en cada actuación prepadas con moito esforzo e dedicación. 
Así de guapos estabamos e así de ben o fixemos.

viernes, 16 de diciembre de 2016

FESTIVAL DE NADAL 2016

O vindeiro martes 20 de decembro ás 15: 00 terá lugar o Festival de Nadal coas actuación que con tanta ilusión levamos preparando.

Queremos vervos a todos e a todas e para que non perdades detalle deixámosvos a orde das actuacións e unha selección das postais de NADAL.



NESTE NADAL, UNHA LECTURA SENTARACHE XENIAL!

Nestas datas, regala un libro, a mellor viaxe ao mundo da imaxinación onde todo é posible.
Dende A Biblioteca do Rato deixámosvos un tríptico de recomendacións lectoras para que incluades un libriño na carta a Papa Noel e os Reis.



jueves, 15 de diciembre de 2016

BO NADAL

Con todas as postais de Nadal feitas polos nenos e nenas e con esta foto tan representativa, dende A Biblioteca do Rato desexámosvos un Nadal cheo de momentos máxicos  e inolvidables.



miércoles, 14 de diciembre de 2016

O NOSO NACEMENTO

Como cada ano nestas datas o colexio vístese de Nadal e non podía faltar o habitual nacemento que nos deixa a todos abraiados observando todos os seus detalles.

Así de bonito loce

















viernes, 2 de diciembre de 2016

CON SABOR A NADAL

Pouco a pouco o noso cole vaise preparando para o Nadal. O noso Ratiño xa está preparado para a ocasión e dende as clases xa estamos a preparar bailes, panxoliñas e obras de teatro para o noso gran festival que terá lugar o martes 20 de decembro.






miércoles, 30 de noviembre de 2016

NOVIDADES

Presentámosvos os novos libriños  que acaban de chegar A Biblioteca do Rato. Esperamos que vos gusten e que os leades todiños.



miércoles, 23 de noviembre de 2016

LECTURAS DE NADAL

Xa é tempo de Nadal e que mellor xeito de combatir estes días de frío que cunha boa lectura.
Temos unha exposición de libros de Nadal á vosa disposición para que gocedes de aventuras con bonecos de neve, renos, Papá Noel, Os Reis Magos, e mesmo co Apalpador das montañas galegas.

Neste Nadal , unha lectura quentiña!!


jueves, 10 de noviembre de 2016

MAGOSTO

Hoxe, xoves 10 de novembro, víspera do San Martiño, festexamos o Magosto como se merece. Gozamos dun extraordinario xantar a base de chourizo, churrasco, bica, chocolate e moitas castañas.
Despois deste suculento xantar xogamos aos xogos típicos como o encesta castañas, as carreiras de sacos e a facer torres de carozos de millo. Finalmente queimamos os nosos medos na fogata, saltámola e pintámonos coa cinsa como manda a tradición.
Así de ben o pasamos!



viernes, 4 de noviembre de 2016

O NOSO APOIO A NAHIR

Dende a biblio tamén reciclamos e sumámonos a colaborar na recollida de tapóns.
Neste caso, todos os tapóns de plástico que fomos recollendo e traendo das nosas casas, foron hoxe entregados  a unha nena de Pontevedra que se chama Nahir. Con esta cantidade queremos axudarlle a Nahir a facer a gran montaña que necesita para conseguir a rehabilitación específica que precisa.
Seguiremos a recoller máis tapóns para seguir colaborando!!


O NOSO SAMAÍN NO XORNAL

O mércores saíu un resumo da nosa festa de Samaín no suplemento "Xornal Escolar" da Región.
Ahí van as imaxes!!



jueves, 3 de noviembre de 2016

LUIS SEOANE

Como xa sabedes, o ano pasado traballamos, estudamos e reproducimos as técnicas de pintores universais e este ano o PDI no que andamos a traballar leva por título "A pintura e escultura como fomento da creatividade" e trataremos de plasmar as correntes artísticas de pintores galegos, da nosa terra. 
Deste xeito, comezamos con Luis Seoane. Aquí tendes a biografía, o mural cos cadros exposto na nosa biblio e un vídeo cos seus cadros.


viernes, 28 de octubre de 2016

CONVIVENCIA SAMAÍN - HALLOWEEN

Hoxe foi un deses días nos que a todos nos gustaría regresar a nosa infancia e volver a ser neno para vivir esas vivencias e sentimentos que soamente eles son capaces de sentir, aínda que tamén temos que recoñecer que hoxe, os profes, volvemos a nosa infancia e disfrutamos tanto coma os nosos alumnos.
Foi un día terrorificamente incrible, sentimentos de medo mesturados con risas, algunha que outra bágoa e felicidade, moitísima felicidade. 
Dende o día 1 de outubro, as nosas cabeciñas non pensaron noutra cousa que non fose o Samaín, alumnos e mestres traballamos cóbado, a cóbado para decorar o cole, para encher o túnel da bruxa de pasaxes arrepiantes, para coñecer e investigar a orixe desta festa e mesmo fixemos un libro de acrósticos de Samaín e deseñamos grazas a nosa cociñeira, Alicia, un riquísimo menú especial para este día.
Hoxe compartimos todas estas experiencias cos nosos, xa amigos, os alumnos e mestres do Ceip San Marcos de Cartelle que por terceiro ano consecutivo, nos visitaron neste día tan especial e pasárono de medo connosco.
Rematou o día e xa estamos a argallar novas ideas para o vindeiro Samaín!

Espero vos gusten as imaxes.

jueves, 27 de octubre de 2016

ESPERANDO CON ANSIA A CHEGADA DO SAMAÍN

Pois xa está todo listo: cole decorado, cabazas listas para espantar aos malos espíritos, obradoiros de Samaín preparados, túnel da bruxa con novidades arrepiantes, menú de Samaín en marcha nos fogóns da nosa cociña ...... So queda recibir un ano máis aos nosos amigos do Ceip San Marcos de Cartelle para pasalo de medo. Quen se apunta?




miércoles, 26 de octubre de 2016

ACRÓSTICOS DE SAMAÍN

Este ano, dende a biblio tocou facer uns acrósticos de Samaín e pensando, pensando saíron uns terroríficos acrósticos con vocabulario diverso do Samaín.
Así os fixemos e así nos quedou o noso libriño!




lunes, 24 de octubre de 2016

24 DE OUTUBRO, DÍA DAS BIBLIOTECAS ESCOLARES

Hoxe, 24 de outubro rendimos homenaxe a biblioteca escolar, no noso caso, A Biblioteca do Rato, o corazón da noso cole, o lugar de onde parten todas as actividades e nexo de unión de toda a comunidade educativa.
Para festexalo Anxo Moure visitou a nosa biblio e gozamos cociñando os contiños que nos traía preparados. Estes contiños, como "O Carballo con Botas" ou " O paraugas Dameaugas" están cheos de sentimentos, de paz e de moito amor  á natureza e en especial as árbores e os nosos bosques.

Nun día tan especial, dámosche as grazas Anxo, por alimentar a nosa imaxinación cociñando os teus contos no noso mellor restaurante imaxinativo, a Biblioteca do Rato.

Así de ben o pasamos!

jueves, 20 de octubre de 2016

ANXO MOURE NA BIBLIOTECA DO RATO

O vindeiro luns 24 de outubro festexaremos o día das Bibliotecas Escolares coa visita do contacontos e autor do libro "O Carballo con Botas", Anxo Moure. 


viernes, 7 de octubre de 2016

PENSANDO NO SAMAÍN


Xa queda menos para a festa máis esperada do ano, O SAMAÍN, e o noso Ratiño, que xa está disfrazado para a ocasión, preséntavos o cartel coas actividades deste ano.
Esperemos que vos gusten!!
 

 

viernes, 30 de septiembre de 2016

OUTUBRO, MES DE LECTURAS DE MEDO

O mes de outubro xa está aquí e que mellor xeito que irnos preparando para a gran festa do Samaín que cunhas lecturas de medo.
 Tendes a vosa disposición na zona de exposicións unha selección de aventuras arrepiantes para pasar un outubro do máis terrorífico. Quen se anima?





O PROXECTO DA NOSA BIBLIO NO XORNAL

O pasado mércores o noso proxecto da biblio saiu no suplemento Xornal Escolar da Región.

Aquí podedes botarlle unha ollada.



jueves, 22 de septiembre de 2016

MARCALIBROS

Xa temos listos o nosos marcalibros para que ningún libro da nosa biblio estea perdido.
Cada vez que levemos un libriño a casa deixaremos o marcalibros colocado no estante, xusto no lugar do libro, e así non nos esqueceremos do lugar no que estaba.
Así de chulos nos quedaron!!




lunes, 12 de septiembre de 2016

BENVIDOS Á BIBLIOTECA DO RATO

Empezamos con forza e con moitas ganas de iniciar o novo proxecto que leva por título: "A pintura e escultura como fomento da creatividade". Este proxecto é continuidade do que iniciamos o ano pasado "A pintura como linguaxe da luz e das cores" onde estudamos fundamentalmente pintores universais e reproducimos as súas correntes nos cadros que decoran a Galería de Arte Rogelio García Yáñez. Desta volta centrarémonos en pintores galegos e iniciarémonos na escultura.
Dende a Biblioteca do Rato damos unha benvida especial aos novos alumnos/as que se incorporan ao centro así como a todos os alumnos/as e a toda a comunidade educativa que forman esta gran familia.
Desexámosvos un feliz inicio de curso!!


Como novidade este ano creamos unha conta de facebook da nosa biblio coa finalidade de difundir as nosas actividades, anunciarvos todas as novas que vaian xurdindo e invitarvos a participar en actividades así como a visitar o blog.
A que esperas; búscanos en facebook!!  A Biblioteca do Rato.



miércoles, 29 de junio de 2016

GAÑADORES DO CONCURSO "FAI O TEU PROPIO XORNAL"

Os alumnos de 5º e 6º resultaron gañadores do concurso "Fai o teu propio Xornal" posto en marcha polo periódico La Región.

NORABOA RAPACES E TITOR por un traballo feito con moito esforzo e ilusión!!

Podedes botarlle unha ollada ao traballo que presentaron e que saiu premiado.









martes, 28 de junio de 2016

XOGAR, DOCE XOGAR

Un ano máis recordamos as actividades levadas a cabo a través do Progama Xogade que tamén parten da nosa biblioteca e contribúen a acadar grandes logros na aprendizaxe da nosa carreira de fondo: "o curso escolar."

Este ano participamos nas modalidades de campo a través, fútbol sala e bádminton. Así mesmo un  profesional do taekwondo aistiu ao centro para achegarnos a este deporte e axudarnos coa práctica. 





martes, 21 de junio de 2016

BO VERÁN CUN LIBRO NA MAN

Dende a Biblioteca do Rato sumamos un novo curso ecolar, que un ano máis estivo cargado de moito traballo, esforzo e aprendizaxe.

Para despedirnos facémolo do mellor dos xeitos, aconsellando lecturas e unhas boas  vacacións cheas de momentos felices e especiais. Para iso está o verán para disfrutalo!!



REVISTA ESCOLAR

Un curso máis que remata, pero non si a coñecida revista escolar, que resume todas as actividades, saídas e traballos que fixeron ao longo do curso 2015-16.

Aquí podedes botarlle unha ollada.

jueves, 2 de junio de 2016

CADERNO DE PINTORES

Un dos traballos propostos para o proxecto artístico no que traballamos este curso foi a elaboración dun Caderno de Pintores. Este caderno recolle un pequeno percorrido pola historia da pintura universal e as biografías dos pintores que estudamos durante o curso e que ao longo del fomos subindo ao blog. Esta sería a parte teórica do proxecto. A parte práctica, xa a mostramos, en todos os  cadros e manualidades que fixemos seguindo as técnicas e correntes artísticas dos pintores a seguir, pero unha vez máis invitámosvos a que visites a nosa Galería de Arte Rogelio García Yáñez e observedes os pequenos artistas que xurdiron este ano no noso cole.

 

FRIDA KHALO

Os alumnos de 1º, 2º e 3º de Ed. Primaria estudaron a Frida Khalo e os seus cadros para despois retratarse a sí mesmos;  mirándose tumbados nun espello, como Frida fixo cando por mor dun accidente de autobús se viu obrigada a permanecer na cama, a causa da fractura de varios ósos. Despois de se retratar eles mesmos retrataron ós seus compañeiros.



Así  fixeron as obras de arte e así de ben locen na nosa Galería.


Cadros de Frida Khalo

Biografía de Frida Khalo










viernes, 27 de mayo de 2016

FERNANDO BOTERO

O último pintor que estudaremos neste curso será Fernando Botero. Para iso, coma sempre repasaremos a súa biografía e navegaremos pola internet en busca dos seus cadros para observalos e estudalos a fondo.








 Podedes ver algúns dos seus cadros no seguinte vídeo.



O noso mural xa está exposto na biblio.
A súa biografía.

RELOXOS BRANDOS DE DALÍ

Como ben sabedes, o último pintor que estivemos a estudar foi Salvador DALÍ. Nesta ocasión tocou reproducir os seus reloxos brandos do seu famoso cadro: "A persistencia da memoria".

Así de ben o pasamos construíndo os reloxos e así nos quedaron.








CONVIVENCIA DAS LETRAS GALEGAS NO CEIP SAN MARCOS DE CARTETLLE

Na xornada de onte disfrutamos dun xenial día de convivencia no Ceip San Marcos do concello veciño de Cartelle. Unha vez máis, compartimos experiencias cos alumnos/as e cos seus mestes/as. Xuntos disfrutamos dos xogos  e do  no festival  das Letras Galegas que nos  tiñan organizado, compartimos xantar, baile e xogos de recreo.

Así de ben o pasamos.


martes, 24 de mayo de 2016

XIRASOLES

Coa chegada da primavera os xirasoles de Van Gogh floreceron no noso colexio.