DEPORTE ESCOLAR 2018-2019

O xogo é a actividade propia do ser humano, presente en todos os nenos e nenas coma unha valiosa experiencia de aprendizaxe que contribúe ao san desenvolvemento da personalidade infantil.
A través do programa XOGADE queremos fomentar nestes nenos e nenas a diversión, o compañeirismo, o traballo en equipo... ademais de acercalos, en moitos casos, a súa primeira toma de contacto e inmersión en diferentes deportes.
Por este curso rematamos, para o que vén máis e mellor.

XA SABES... PRACTICA DEPORTE!!!!!

BOAS VACACIÓNS!!!

FAI CLIC NA FOTO PARA VER MÁIS IMAXES

EXPOSICIÓNS DOS TRABALLOS DO 3º TRIMESTRE

   Seguindo co noso proxecto A volta ao mundo nun balón, este trimestre paramos en Arxentina, Chile e Inglaterra. Cada grupo expuxo para o resto do alumnado: curiosidades, gañador, mascota...do mundial nese país, así como outros datos de interese: bandeira, poboación, situación, monumentos e comidas típicas, traxes típicos, etc.
   Foi un bonito percorrido co que todos aprendemos moitas cousas.

RECOMENDACIÓNS LECTORAS

Deixámosvos aquí unhas recomendacións lectoras para que sigades lendo moito no verán...

LETRAS GALEGAS

Celebramos a semana das letras galegas con distintas actividades para coñecer mellor a vida e obra de Antón Fraguas. Rematamos a semana coa participación nos XXIV ENCONTROS DE TEATRO ESCOLAR E AMATEUR EN BANDE, participando coa obra titulada: Díxomo fulanita, que representaron os alumnos e alumnas de quinto e sexto. O alumnado de primaria aproveitou tamén para ver obras doutros colexios.

23 DE ABRIL, DIA DO LIBRO

Empezamos o trimestre celebrando un día moi especial: o día do Libro. Os maiores do cole prepararon tres contos que todos escoitamos con atención e resultaron ser uns fantásticos contadores de historias.
Grazas a Laura e Daniel, a Nerea e Ainhoa e a Sara e Alba.

CHARLA SOBRE SAÚDE BUCODENTAL

Tamén tivemos na nosa biblio  unha charla súper interesante e con moi bos consellos para coidar a nosa dentadura!!!
Os odontólogos de Dosdentis contáronnos cousas moi interesantes que xa empezamos a poñer en práctica!!!
Grazas por deixarnos uns regaliños tan chulos!!

SEMANA DA ÁRBORE E DA AUGA

Participamos no proxecto levado a cabo pola Deputación de Ourense para a celebración dos               días Internacionais da árbore e da auga.

Lemos o libro proposto pola Deputación de Ourense “A dama da auga” e aproveitamos para                 falar da importancia dun consumo responsable da auga e da importancia das árbores para o                ser humano. Rematamos coa  plantación  dun bidueiro no patio do colexio.

DIA DA LITERATURA INFANTIL E XUVENIL

Celebramos este día con Iago, un contacontos que xa estivera noutra ocasión connosco.Encantounos a nova aventura de Martiño o cociñeiro e, máis aínda, ser partícipes dela!!!
Graciñas polas túas historias,esperamos volver a verte!!!
E tamén gracias a Sara e Alba, as nosas compis de quinto, que nos contaron un conto que prepararon con loita ilusiòn!!

Exposicións de traballos de final do 2º trimestre

Non nos esquecemos dos seguidores da Riblioteca do Rato e, despois dun tempo, queremos contarvos o que estivemos a facer nos últimos meses. A finais de marzo tocaron as exposicións dos traballos feitos durante o segundo trimestre do noso proxecto: Á VOLTA AO MUNDO NUN BALÓN. Trátase  de percorrer o mundo a través dos mundiáis de fútbol.
Ese trimestre tocáronnos Uruguay, Suíza e Suecia.Así fixemos as nosas exposicións, na biblio, para todos os compañeiros do cole!!