martes, 12 de septiembre de 2017

LIBROS DE FÚTBOL

Este ano co proxecto anual da biblioteca daremos A VOLTA Ó MUNDO NUN BALÓN coincidindo co vindeiro Mundial de fútbol de Rusia 2018.
Xa tendes á vosa disposición unha selección de libros de fútbol, na exposición.






lunes, 11 de septiembre de 2017

BENVIDOS Á BIBLIOTECA DO RATO

Comezamos un novo curso escolar con moita ilusión e ganas de vivir novas aventuras co noso rato Roger.
Dende a Biblioteca do Rato damos a benvida ás novas alumnas do cole e a todos os que xa formades parte da nosa gran familia e desexámosvos un novo curso escolar cheo de moito traballo, esforzo, ilusión, felicidade, bos momentos e moitas e abundantes lecturas.


viernes, 30 de junio de 2017

MENS SANA IN CORPORE SANO

Como o propio título indica, queremos conseguir que a nosa cabeza sexa FELIZ. Para iso, e xa dende fai anos, no cole de Ramirás estamos a facer todo o posible para acadalo.
Como o facemos? Pois é moi doado: hai que darlle ao corpo unha dose diaria de descanso, unha dieta saudable e un chisco ou un moito de deporte, sempre ao gusto de cada un/unha!!!

Xa o sabes, PRACTICA DEPORTEEEEEEE!!!!

BOAS VACACIÓNS!!!
 SE QUERES VER ALGUNHA FOTO MÁIS PREME NA IMAXE

jueves, 22 de junio de 2017

LECTURAS FRESCAS DA BIBLIOTECA DO RATO

Dende a Biblioteca do Rato despedimos este curso escolar que estivo cheo de bos e marabillosos momentos marcados por unha chea de celebracións, actividades, traballos, convivencias e moitas e boas lecturas.
Para este verán que chegou cunhas altísimas temperaturas propoñémosvos surmerxirvos no refrescante mundo das aventuras que podemos experiementar se viaxamos a través dun libro.
Estes son os nosos consellos e recomendacións lectoras para este verán!!

Dende A BIBLIOTECA DO RATO desexámosvos unhas felices Vacacións!!



A VOLTA AO MUNDO NUN BALÓN

Rematamos un novo curso e poñemos fin ao proxecto artístico co que traballamos os dous anos anteriores. Os nosos pequenos estudaron a unha selección de pintores, aprenderon as súas técnicas e puxéronas en práctica nos cadros que eles mesmo elaboraron e están expostos na Galería de Arte Rogelio García Yáñez, a que todos estades convidados.
Deste xeito despedímonos deste proxecto para poñer inicio a un novo traballo. Para o vindeiro curso 2017- 2018 poñemos en marcha unha nova aventura que leva por título: "A volta ao mundo nun balón",que estará relacionado coa celebración do próximo Mundial de fútbol que terá lugar en Rusia no 2018.


miércoles, 21 de junio de 2017

REVISTA ESCOLAR

Remata un novo curso e como cada ano a revista escolar recolle todas aquelas actividades, traballos, celebracións, saídas, visitas  e conviencias que tiveron lugar ao longo de todo o curso.
Espero que vos guste!!


QUESSADA

Rematamos o curso e velaí van os cadros do último pintor que estudamos, Xaime Quessada.

A Biblioteca Do Rato's Slidely by Slidely Slideshow

sábado, 27 de mayo de 2017

CADROS DE LAXEIRO

Os nosos cadros de Laxeiro xa están expostos na Galería de Arte Rogelio García Yáñez.
Así os fixemos e así de bonitos nos quedaron.


A Biblioteca Do Rato's Slidely by Slidely Slideshow

miércoles, 24 de mayo de 2017

XAIME QUESSADA

Comezamos cun novo pintor. Desta volta tócalle ao noso veciño ourensán Xaime Quessada.
Na nosa biblio xa está decorada co mural dos seus cadros máis representativos.









Aquí tendes a biografía para que lle botedes unha ollada e un vídeo dos seus cadros:










jueves, 18 de mayo de 2017

CARLOS CASARES

Na semana das Letras Galegas fixemos homenaxe a Carlos Casares, escritor ourensán pero tamén editor, catedrático de instituto, colaborador de revistas e xornais, membro da Real Academia Galega e mesmo político e impulsor da Lei de Normalización Lingüística.


Este polifacético autor escribiu unha manchea de libros, moitos deles de literatura infantil e xuvenil que nos trasladan á infancia, xa que, quen non leu algúns destes títulos, na súa vida de estudante? :  "As Laranxas, máis laranxas de todas as laranxas", " A Galiña azul", " Toribio",  "Lolo anda en bicicleta", " O can Rin e o lobo Crispín", " Un polbo xigante", " O galo de Antioquía". Tamén publicou novelas do máis existosas, desas que non es quen de parar de ler como o seu derradeiro libro" O sol do verán", " Os escuros soños de Clío" ou " Vento ferido" entre outros

Deste xeito, tal como a ocasión o requería, traballamos dende as distintas aulas en diferentes actividades. Repasamos a súa andanza, rebulimos nos seus libros e fixemos exercicios on- line nos ordenadores e na pizarra dixital.

Aquí podedes ver como traballamos e todo o que aprendemos de Carlos Casares.


A Biblioteca Do Rato's Slidely by Slidely Slideshow




Os alumnos de 5º e 6º participarán  mañá , no Certame de Teatro de Bande presentando a obra de teatro "Vivamos e comamos coma galegos", para poñer fin a Semana das nosas letras:  " AS LETRAS GALEGAS"





miércoles, 3 de mayo de 2017

II XORNADAS DE CONTACONTOS E EXPOSICIÓNS ARTÍSTICAS

O pasado venres e hoxe mércores disfrutamos da segunda e terceira sesión das II Xornadas de Contacontos e Exposcións Artísticas. Nesta ocasión os alumnos voluntarios expuxeron técnicas artísticas e contaron  contos con Titeres:

Ainhoa e Valeria contáronos o conto de "Paco Papán"
Analía mostrounos a técnica de "pintar soprando".
Dania explicounos como "pintar con xabón".
José e a súa irmá Laura fixeron "un volcán multicolor"
Sara, César e Alba contáronos o conto "Un sueño de Velázquez" interpretado con marionetas.
Mara  puxo en práctica unha técnica que consiste en pintar con acuarelas e sal e mostrounos un precioso cadro decorado coa técnica do "zentangle"
Finalmente Analía e Dania pecharon a sesión de hoxe contándonos un gracioso conto titulado "Manu".

Unha vez máis, fixemos unha sesión do máis amena, onde aprendemos moitas cousas e os ARTISTAS máis valentes atrevéronse a facer da ARTE unha forma de expresión e aprendizaxe.

Noraboa rapaces. Moitas grazas a todos os voluntarios/as polo esforzo e a participación.

Velaquí vos quedan as fotos das dúas sesións.

martes, 25 de abril de 2017

II XORNADAS DE CONTACONTOS E EXPOSICIÓNS ARTÍSTICAS

Onte luns, inauguramos as "II Xornadas de Contacontos e Exposicións artísticas" na Biblioteca do Rato.
Na xornada de onte, Sandra, de "Xurxemurxe" e antiga alumna do centro preparou para todos nós unha serie de actividades:
- Os alumnos/as de Infantil e 1º e 2º de Primaria traballaron o "feet and hand painting", no que pintaron cos pes, envoltos en papel burbulla, coas mans e os ollos tapados, ao son da música.
- Os alumnos/as de de 3º e 4º de Primaria realizaron un gran "collage" con materiais diversos: teas, goma eva, papeis de todo tipo, pintura ......
- Os alumnos/as de 5º e 6º de Primaria, practicaron a técnica de Pollock,pintando con latas furadas, salpicando así pintura de distintas cores.
 Foi unha xornada na que aprendemos moito e o pasamos xenial, unha vez máis, fedellando coa ARTE.
Así de ben os pasaron os nosos ARTISTAS.


domingo, 23 de abril de 2017

FELIZ DÍA DO LIBRO

Hoxe, 23 de abril é un día grande para todos nós e para as bibliotecas xa que sen un libro, se as grandes fontes do saber, non somos nada.
Dende a Biblioteca do Rato, desexámosvos un feliz día e animámosvos a facer dun libro o mellor compañeiro de aventuras.





Para festexar este gran día e outras conmemoracións conxuntas deste mes, iniciamos mañá luns 24 as "II Xornadas de Contacontos e Exposicións Artísticas" que terán lugar os días 24 e 28 de abril e na que participarán alumnos e demáis membros da comunidade educativa. Estades todos convidados a Biblioteca do Rato para disfrutar delas.


viernes, 21 de abril de 2017

II XORNADAS DECONTACONTOS E EXPOSICIÓNS ARTÍSTICAS

O próximos luns inaguramos as " II Xornadas de Contacontos e Exposicións artísticas" que terán lugar na Biblioteca do Rato.
Estades todos convidados.
Velaquí vos deixo o programa coas actividades que temos preparadas.





miércoles, 19 de abril de 2017

TRAVEL AROUND LONDON

Os alumnos/as de 5º e 6º de Educación Primaria participaron na elaboración dun xornal para o concurso posto en marcha polo diario "La Región". Hoxe sae publicado no suplemento Xornal Escolar.
Aquí tamén lle podedes botar unha ollada.










ESCULTURAS

Os nosos pequenos artistas, desta volta, elaboraron unhas estupendas esculturas, utilizando materiais de todo tipo.
Así de bonitas quedaron  e así locen na nosa Galería de Arte.
Invitámosvos a vir a velas!


viernes, 7 de abril de 2017

ÁRBORES,AUGA E CONTACONTOS

Nas semanas pasadas traballamos a poesía, a concienciación do aforro e a importancia da auga e das árbores como fonte de osíxeno e corazón dos nosos bosques, dende as aulas.  
Os alumnos de 5º e 6º elaboraron un poema sobre a primavera, a auga e as árbores e fixeron un collage que decora a súa aula.
Estes días, durante a hora de ler lemos o libro que nos proporcionou, coma todos os anos, a Deputación de Ourense. Desta volta o libro leva por título "O amor de Rozabales".
No día de onte, plantamos un castiñeiro e gozamos dunha estupenda  sesión de contacontos a cargo de Nati, do grupo ourensán de " Sarabela Teatro"

Así traballamos e así o gozamos!!

lunes, 3 de abril de 2017

EN ABRIL, ACTIVIDADES MIL

Compartimos as actividades propostas para o mes de Abril.


Durante este mes, celebraranse as II Xornadas de Contacontos e Exposicións Artísticas.
Quen se anima a participar? Estades todos convidados


jueves, 30 de marzo de 2017

LAXEIRO

Un novo pintor chega a Biblioteca do Rato para que coñezamos os seus cadros e as súas correntes artísticas. Trátase de Laxeiro.

Velaí vai o noso mural exposto na biblio, un vídeo dos seus cadros e fotografías da súa andanza e unha pequena biografía.










martes, 21 de marzo de 2017

MARUJA MALLO

Unha pintora máis, Maruja Mallo, súmase a nosa coñecida Galería de Arte. Neste caso, os alumnos de educación Infantil reproducíron o seu famoso cadro do racimo de uvas e os alumnos de Primaria escolleron o seu cadro favorito e deixáronse levar polas súas correntes artísticas e aquí tendes os resultados.
 Así reproducimos os seus cadros, e así nos quedaron.
Esperamos que vos gusten!

viernes, 24 de febrero de 2017

VIVA O ENTROIDO!!

Como non podía ser doutro xeito, hoxe festexamos o Entroido, como se merece. Acudimos ao cole disfrazados e a primeira hora rendémoslle homenaxe a Rosalía de Castro, por ser o seu día, o día no que cumple anos. De seguido, pintamos con xices de cores as olas de barro, para xogar despois de comer. A contirnuación disfrutamos do "I Festival Roller 2017, onde o os alumnos e alumnas nos deleitaron cunhas estupendas coreografías de patinaxe, que prepararon con moito esforzo e ilusión. Á hora do xantar degustamos un delicioso cocido e as típicas orellas de Entroido. Finalmente os maiores do cole xogaron coas olas de barro e os máis pequenos coas piñatas. 

Así de ben o pasamos neste estupendo día de Entroido.

FELICIDADES ROSALÍA

Hoxe 24 de febreiro, cúmprense anos do nacemento da nai da lingua galega, Rosalía, a que fixo renacer a lingua galega dos Séculos Escuros e nos deixou  fermosos con cantos á súa "terriña" galega, descripcións das aldeas e dos escenarios galegos máis tradicionais,  poemas onde se acorda dos que tiveron que marchar e senten morriña pola súa terra e onde denuncia as precariedades do campesiñado galego.

"Cantares Gallegos" é o seu libro por excelencia, o que Manuel Murguía, o seu marido, publicou sen que ela o suobese que conseguiu que o galego recuperase a súa identidade e deixase de estar desprestixiado.
Outro dos poemarios máis destacados foi "Follas Novas", publicado un so ano antes da súa morte
Rosalía non soamente destacaou na Literatura Galega, sendo unha figura representante no Romanticismo da Literarura Castelá. Fue precursora da poesía española e publicou un libro de poemas en lingua castelá;"En las orillas del Sar".
Rosalía é unha autora universal, traducida ás principais linguas mundiais e fundamentalmente incorpora a tristeza como sentimento predominante na súa obra, debido a unha serie de acontecementos e a unha época difícil que lle tocou vivir. Un dos poemas que mellor reflexan ese malestar e  esa dor e  a  "Negra Sombra", un dos poemas máis coñecidos.


Outro dos poemas máis coñecidos é " Adios Ríos, adiós fontes"  que fai referencia a marcha da aldea e o despido de todos e de cada un dos elementos que compoñen a paisaxe galega.

Esta semana,  quixemos rendir homenaxe, a esta gran muller que lle devolveu ao galego o seu carácter e fixémolo traballando cos seus poemas, repasando as súas andanzas pola vida e decorando as portas e un recuncho de cada aula cun poema que aprendemos. Hoxe, na hora de ler, disfrazados, porque coincidiu coa celebración do Entroido, recitamos os poemas e mostramos os nosos traballos aos nosos compañeiros.  


Así o fixemos e así nos quedou!!

VIVA ROSALÍA  #rosalíate

jueves, 23 de febrero de 2017

A COUSA VAI DE RATOS

Unha manchea de ratos invadiu o noso cole porque resulta que, como ben sabedes, este ano o noso RATIÑO encomendounos que o imitaramos a el para o Entroido e así de guapos nos puxemos todos para a ocasión.







viernes, 17 de febrero de 2017

ENTROIDO

Xa estamos ás portas do Entroido e como todos os anos "No ENTROIDO de Ramirás, manda o Rato e ninguén máis" e desta ocasión o noso Rato quere que nos convirtamos nun ratiño tan xeitoso e lector coma el.
Velaí van as ordes para a vindeira semana.
Lembrade que as ordes son acumulativas e que o Rato valorará todos aqueles accesorios que sexan feitos á man.











martes, 14 de febrero de 2017

EN RAMIRÁS, CADA DÍA QUERÉMONOS MÁIS

Con este lema queremos desexarvos un feliz día de San Valentín e mostrarvos  a bonita árbore que decora as nosas escaleiras.



martes, 7 de febrero de 2017

MARUJA MALLO

Agora é a queda de adicarlle o estudo e a reproducción da técnica da pintora galega Maruja Mallo.

Aquí tendes a biografía e o mural que está exposto na nosa biblio para que a coñezades un pouco mellor e disfrutes vendo os seus marabillosos cadros.







 

XORNAL ESCOLAR

Para todos aqueles que vos perdestes a emisión do programa "Xornal Escolar" de Telemiño e para todos os que o queirades volver a ver, aquí o tendes.
Esperamos que vos guste tanto como a nos.

http://www.teleminho.com/video/xornal-escolar/xornal-escolar-ramiras-040217/20170206200158023753.html

lunes, 6 de febrero de 2017

OS NOSOS CADROS DE LUIS SEOANE

Como xa vos mencionamos a principio de curso, este ano estamos a estudar pintores galegos e desta volta tocoulle a Luis Seoane. Despois de repasar a súa biografía, e coñecer as súas correntes artísticas e intereses na pintura reproducimos os seus cadros que xa locen na Galería de Arte Rogelio García Yáñez.
Así de estupendos nos quedaron!

viernes, 3 de febrero de 2017

XORNAL ESCOLAR

O mércores pasado saiu unha reportaxe do noso cole e do noso paso polo plató de Telemiño no suplemento Xornal Escolar da Región.

lunes, 30 de enero de 2017

DÍA DA PAZ

No día de hoxe, 30 de xaneiro, recordamos e lembramos que a PAZ debémola festexar todos os días para que non teña que haber un día no ano que no lo recorde. Dende a Biblioteca do Rato, contribuímos a pintar a Paz no noso colexio a través dun mural reflectido nun mosaico de pombas decoradas que forman un corazón xigante. Traballamos tamén, na elaboración dun PAZAPALABRA que hoxe puxemos a proba. Ensaimos e aprendemos a canción "Que viva a PAZ e o AMOR" que todos, hoxe, interpretamos. Finalmente gravamos  dous vídeos, que hoxe visualizamos,  de historias e poemas recitadas polos propios alumnos para contribuir a facer a PAZ no mundo enteiro.

Así festexamos o día e así vos recordamos que "A PAZ comeza cun sorriso" e que " Non hai camiño para a PAZ, a PAZ é o camiño"




 "El árbol mágico" narrado polos alumnos/as de 3º de Educación Primaria



"Lío en la clase de ciencias" narrado polos alumnos/ as de 4º. de Educación Primaria




"Norman" historia escrita por Analía  e narrada polos alumnos/as de 5º e 6º de Educación Primaria.


viernes, 27 de enero de 2017

NO PLATÓ DE TELEMIÑO

Por terceiro ano consecutivo participamos no  programa "Xornal Escolar" de Telemiño e hoxe venres acudimos ao plató para gravar o programa que se emitirá o próximo 4 de febreiro.

Desta volta, a entrevistada foi a nosa directora Encarna, que pasou as probas  e respondeu as preguntas de Dania, Analía e Jose Antonio. Pasámolo xenial cos nosos, xa amigos de Telemiño, que un ano máis  fixéronnos disfrutar dunha experiencia inesquecible xa que poidemos coñecer a mascota do Clube Ourense Baloncesto, O Lobo e participamos nunha solta de globos como conmemoración do Día da Paz.

Déixovos unhas fotos do MAKING OFF para que vexades o ben que o pasamos.







viernes, 20 de enero de 2017

PINTAMOS A PAZ NA BIBLIOTECA DO RATO

Aínda que a PAZ sexa  unha situación que debería reinar en calquera momento e en calquera lugar do mundo, dende a Biblioteca do Rato queremos rendir homenaxe ao seu día grande e pintar de PAZ todos os nosos rincóns do cole coas seguintes actividades.