NON A VIOLENCIA DE XÉNERO

Esta semana celebramos no cole o NON a violencia de xénero.
Comezamos o traballo co visionado de vídeos, charlas e reflexións sobre este problema tan presente na sociedade.
O luns pola tarde empezamos a elaborar un mural no que representamos un iceberg que simboliza a parte visible e a encuberta da violencia de xénero. Cada alumn@ elixiu dúas palabras relacionadas con este tema, que posteriormente pegou no mural.
Onte pola tarde puidemos gozar dun espectáculo de títeres sobre a violencia de xénero titulado " Unha armadura de ferruxe".
Aquí vos deixamos unha pequena mostra do traballo realizado.

 

MAGOSTO 2019

Despois de moitos días sen poder celebrar unha das nosas festas máis tradicionas, o pasado luns 18 de novembro, o tempo deunos unha tregua e puidemos festexar o magosto.
Fixemos unha fogueira para asar os chourizos e castañas, realizamos xogos tradicionais e pintamos as nosas caras e mans, como manda a tradición.
Pasámole xenial!!!!

SAMAÍN

Samaín, Samaín... chegaches por fin!!!!
O mércores día 30, celebramos a nosa festa por excelencía. Estamos tod@s agardando esta festa para decorar o cole, traer as nosas cabazas, disfrazarnos e pasar unha xornada do máis arrepiante!!
O día comezaba con moitos nervios: Primeiro poñer disfraces e maquillaxes en casa, para vir ao cole e ser os máis terroríficos. Unha vez no centro empezamos cunha peli de terror e acto seguido comezaron os obradoiros de Samaín e a visita ao Túnel da Bruxa. Que medo pasamos este ano!!!!
Despois chegou a hora de repoñer forzas e puidemos degustar un sanguento e delicioso menú de Samaín elaborado pola nosa cociñeira Alicia en colaboración cos espíritos malignos.
Xa pola tarde, lemos adiviñas de medo e tocamos e cantamos unha canción de Samaín coma unha verdadeira orquestra acompañada do seu coro.
🎃Adeus Samaín, soamente quedan 365 días para que volvas vir!!!!🎃

SAMAÍN 2019 by Slidely Slideshow

ADIVIÑAS DE SAMAÍN

Este ano a Biblioteca do Rato propuxo elaborar adiviñas de medo.
Cada alumn@ buscou ou creou unha adiviña relacionada con Samaín e o medo.
Todos os traballos quedaron recollidos nun caderno que, coma sempre, podedes atopar na Biblioteca e levar para a vosa casa.
Non fagades trampa e a ver quen adiviña máis!!!💀👻👿🎃

Pincha na foto para ver o resultado.

HOMENAXE Á BIBLIOTECA ESCOLAR

Como todos ben sabemos, o 24 de outubro celébrase o Día das Bibliotecas Escolares.
Este ano decidimos facer honra a este espazo tan preciado do noso centro, seleccionando frases que fagan referencia á Biblioteca, para despois pegalas nas escaleiras do centro.
Así cada día que as subamos poderemos ler e recordar cada unha delas!!!😍

OUTONO TRADICIONAL COS MÁIS CATIVOS

Entre uvas e cabazas, entre viño e medo andiveron os de infantil experimentando novas sensacións.
Primeiro enzoufaron ben as mans para facer un delicioso zume de uva, que posiblemente co tempo se converta nun bo viño. Posiblemente!!!!
Despois volveron ás andades, pero esta vez para baleirar unha cabaza e tallala ata deixala terrorificamente monstruosa.
Mans á obra!!!🍇🎃