SAÍDA Á CASA DE PEPUCHO

 Os nenos e as nenas do cole, puideron visitar a casa de Pepucho, un coñecido veciño de Ramirás que fai ornamentos de madeira moi pintorescos.

DECORACIÓNS DE NADAL

 Este ano, o alumnado encargouse de decorar o cole con ornamentos de Nadal empregando piñas.

AS TRASNADAS DO ELFO

 Un ano máis, volta Elfo, coas súas falcatruadas cada día de decembro.

XOGOS POPULARES

 O alumnado de 3º, 4º e 5º, foi quen de desfrutar dunha marabillosa xornada de xogos populares na biblioteca da man de Lito.

SAÍDA AO AUDITORIO

 O alumnado de 1º, 2º e 3º de Primaria acudiu ao Auditorio Municipal de Ourense para ver a obra de teatro chamada "Ninja".

25 N

Todo o alumnado do cole colaborou na creación dunha margarida na que cada pétalo simboliza o respecto ou non respecto pola muller, cambiando o tradicional quéreme ou non me quere, por un respéctame ou non me respecta.

 

MAGOSTO 2024

O venres 8, todo o alumnado do cole gozou da festa do Magosto. Fixemos xogos populares, escoitamos música tradicional galega e comemos as castañas, estaban boísimas!

CULTURALÍZATE EN GALICIA

 Cruceiros e petos de ánimas por Don Arturo.

 

POEMAS DE SAMAÍN

 O Rato está moi contento de ter na súa biblioteca un novo libro formado polos poemas de Samaín escritos polo alumnado e as súas familias.

Picando na seguinte imaxe podedes gozar de todos eles.

 

 

CAMPO A TRAVÉS

 O alumnado de 2º, 3º, 4º e 5º de primaria, acudiu o pasado xoves 24 a campo a través en Muiños.

 

Mentres que o alumnado de infantil e 1º de primaria, fixeron unha saída pola contorna próxima ao centro. No parque, ademais de merendar e xogar, lemos o conto "O señor mago e a folla". 

APERTURA DA BIBLIO 2024-2025

O venres día 4 de outubro, o alumnado foi quen de desfrutar da apertura da Biblioteca do Rato. Para dar a benvida a este novo ano de lectura, os nenos e nenas tiveron que buscar polo patio as entradas para poder acceder a biblio e así poder desfrutar do conto "Carabuñas". Ao finalizar do contacontos, o alumnado de 5º de Educación Primaria, explicou o funcionamento do préstamo de libros ao novo alumnado e aos máis pequenos/as.

FERVENZAVENTURA

 FervenzAventura foi o destino da nosa excursión de fin de curso. Pasamos un día estupendo rodeados de natureza e facendo actividades moi divertidas como: buscar pegadas de animais por un carreiro, facer pan, visitar as hortas e ata plantar leitugas. E despois de todo isto aínda nos quedou tempo para a aventura con: escalada, tirolina, tiro con arco, etc.

LETRAS GALEGAS

Este 17 de maio homenaxeamos a poeta Luísa Villalta e polo tanto a toda esa xeración de autores e autoras que comezan a expresarse na década dos anos 90 do século pasado e nos primeiros anos do século actual.

Luísa Villalta foi unha activista moi comprometida con Galicia, por iso quixemos celebrar este día facendo un chaveiro na impresora 3D co mapa de Galicia e coa mascota da nosa Biblioteca, pois a Luísa gustábanlle tanto os libros como ao noso Rato. Ademais, tamén puidemos ler libros sobre ela e facer un Genially que nos axudou a comprender todo o que Luísa loitou por defender a lingua galega.

VISITA DOS BOMBEIROS

O 23 de abril visitáronnos os Bombeiros dá Mancomunidade Terra de Celanova. Aprendemos unha chea de cousas con eles sobre educación viaria e emerxencias. Ademais, subíronnos ao coche de bombeiros e ensináronnos moitos dos seus elementos: mangueiras, bomba de auga, escaleiras, luces etc. Encantounos a súa visita.

A NOSA HORTA

 Chegou a época de cultivar para poder recoller os froitos antes de terminar este curso escolar. Preparamos a terra e aprendemos unhas nocións básicas de agricultura. Agora xa sabemos como plantar cenorias, tomates, amorodos, leitugas, perexil...

Trataremos de coidar ben a nosa colleita para que todo salga ben. Tratamos de localizar a nosa horta orientada ao sur e nun lugar onde lle de moito a luz, esperamos que as choivas e as temperaturas sexan favorables.

Oxalá vos ensinemos pronto a nosa colleita.

XOGOS POPULARES

Hai uns días visitounos Lito e con el gozamos dunha experiencia de promoción da cultura galega mediante a práctica de xogos tradicionais.

Pasamos un intre moi agradable e saímos da rutina xogando aos xogos cos que se divertían os nosos avós e os nosos pais durante a súa infancia.

PINGÜÍN

 O alumnado de Infantil desprazouse ata o Auditorio de Ourense para ver a obra de teatro Pingüín. Este peza teatral abordaba a situación á que se enfronta un neno/a cando vai ter un irmán. O ter que compartir a atención e o agarimo da súa familia acaba sendo algo positivo, pois acaba gañando unha amizade para toda a vida.

METEOESCOLAS

Como sabedes este curso escolar estamos a traballar a meteoroloxía grazas ao Plan Proxecta MeteoEscolas.

Hai un tempo fixemos unha exposición de fotografías sobre o tempo e o clima que nos enviaron as familias e aquí vos deixamos un vídeo para ver que bonitas son.

Ademais, tamén vos mostramos os resultados que obtivemos o mes de abril na nosa estación meteorolóxica.

CANTACONTOS

Onte, tivemos no centro unha sesión de Cantacontos de mans da compañía Teatro Migallas. Que intre máis divertido pasamos con María a dos contos e co señor Do-re-mi.

Por aquí vos deixamos un par de fotos.

SEMANA DO LIBRO

 Desde a Biblioteca do Rato quixemos celebrar a semana do libro. Empezamos realizando unha cita a cegas cun conto que resultou ser un éxito, igual que o préstamo especial que fixemos onde nenos e nenas se implicaron moito en escoller un libro que lle gustase ao seu amigo/a invisible.

Os de Infantil tiveron unha sesión de contacontos por parte do alumnado máis maior e os nenos e nenas de 4º e 6º realizaron un scape room na biblioteca do que saíron vitoriosos.

APRENDEMOS SOBRE EDUCACIÓN VIARIA

 O 24 de abril visitounos a Garda Civil para darnos unha clase de Educación Viaria, aprendemos moitas cousas e ademais deixáronnos probar o seu coche e a súa moto.

TORNEO DE BÁDMINTON

 O venres 12 de abril, o noso colexio recibiu a un gran número de centros para disputar un torneo comarcal de bádminton. Foi unha xornada divertida onde un gran número de xogadores e xogadoras gozaron deste deporte. Ademais, o noso colexio conseguiu unha medalla de bronce para a alumna Mira Rios Alonso de 3º de Primaria.

SIMULACRO

 Estivemos a repasar o plan de evacuación en caso de emerxencia. Por aquí vos deixamos unha foto de todos e todas nós  o día do simulacro.

TORNEO DE FÚTBOL SALA

Hai uns días xogamos un torneo de fútbol sala en Celanova. Pasamos un intre moi agradable xogando e vendo xogar aos outros equipos. 

POBO-ESCOLA LODOSELO

O pasado 12 de abril o alumnado de Infantil e 1º e 2º de Primaria visitou o pobo-escola de Lodoselo.

Empezamos a mañá amasando o pan, e mentres fermentaba cambiamos de prado a un grupo de ovellas e démoslles de comer. Tamén puidemos dar un paseo en carro e coñecer ao único burro que queda na aldea. Unha vez que o pan fermentou, metémolo no forno para que estivese listo para a hora de irnos. Visitamos un xardín sensorial e estivemos en contacto cos señores e señoras do Centro de Día.

Para terminar o día faláronnos da importancia de coidar os nosos bosques e puidemos levarnos a casa un carballo para plantar, ademais do bolo de pan que fixemos.

Pasámolo xenial e ademáis viñemos coas mans cheas.

COIDAMOS DOS NOSOS MONTES

 O pasado venres visitáronnos dous axentes forestais.  Aprendemos unha chea de cousas con eles e responderon a todas as nosas dúbidas, foron moi agradables. Ademais, para terminar plantamos no patio do colexio dous castiñeiros. Temos moitas ganas de velos medrar.

DESPEDIMOS O 2º TRIMESTRE

 O último día os nenos e nenas de Infantil fixeron unha procura de oviños de chocolate polas zonas verdes do noso recinto escolar. Pasárono xenial e nós tamén porque compartiron cos profes e co alumnado de Primaria todo o que atoparon.

8 M

 Este ano, no cole, dedicámoslle o Día da Muller a todas as avoas. Quixemos conmemorar mediante a figura das avoas a todas as mulleres que loitaron pola igualdade de xénero e así agradecerlles todo o que fixeron por nós.

Tamén, mediante un teatro de monicreques contamos a historia de DANIELA PIRATA. Unha historia dedicada a todas as nenas do mundo, para que nunca ninguén lles diga o que poden ou non facer.

HUGO

Hoxe o alumnado de 1º, 2º e 3º de Primaria, acudiu ao auditorio de Ourense para ver a obra de teatro Hugo. Unha peza teatral que fala da diversidade, da convivencia e da beleza de ser diferente.

REFRÁNS SOBRE O TEMPO E O CLIMA

Grazas ao alumnado do centro e ás súas familias temos un novo libro na nosa Biblioteca. Un libro cheo de refráns que nos enche de sabedoría popular sobre o tempo e o clima.

Pulsando nesta imaxe podédeslle botar unha ollada.