SEMANA DAS LETRAS GALEGAS

Dende a Biblioteca do Rato rendimos homenaxe a Xose María Díaz Castro.

A continuación tendes uns enlaces de actividades que traballaremos nas aulas sobre a figura deste persoeiro das nosas letras:
Seminario Galán: http://www.seminariogalan.org/
Xogo pasapalabra: http://www.edu.xunta.es/centros/ceipaponte/system/files/u27/letras_gallegas_2014.swf
Pasapregunta:http://www.edu.xunta.es/centros/ceipaponte/system/files/u27/letras_galegas_2.swf
Telexornal :https://www.youtube.com/watch?v=JUdnBPTcLrg&list=UUCMczPOHPRC1REuRmYPN7Og
Documental sobre Xose María Díaz Castro:  https://www.youtube.com/watch?v=xHHlkByQXe8#t=1610
Materiais diversos sobre as Letras Galegas: https://www.youtube.com/watch?v=xHHlkByQXe8#t=1610

Un ano máis tamén festexamos o Día das nosas Letras coa participación no Teatro de Bande. Este ano coa obra titulada, "O restaurante Freás, o mellor de todo Ramirás"

OS REFRÁNS DE RAMIRÁS

Como xa sabedes este ano seguimos traballando en coñecer un pouco máis o noso concello e o seu entorno, así como as súas costumes tradicións, lendas e refráns.

Desta volta elaboramos un libro con refráns que recompilamos entre todos e que agrupamos nun libriño.

Aquí o tendes para que lle botedes unha ollada.

O QUIXOTE E A DIETA MEDITERRÁNEA

Dende a Biblioteca do Rato conmemoramos o Día do Libro coa visita de Limiar Teatro que nos representou "O Quixote e a Dieta Mediterránea" .

Un cociñero e ao mesmo tempo actor contounos as peripecias de Don Quixote mentres elaboraba un suculento potaxe de vixilia, o mesmo que comeu Don Quixote antes de ser nomeado cabaleiro andante e que finalmente todos probamos. ¡ Estaba delicioso!

Customize your own free slideshow design

Recursos para recordar a Miguel de Cervantes.
http://nea.educastur.princast.es/quixote/index2.htm
Aventura dos muíños de Vento.
http://nea.educastur.princast.es/quixote/index2.htm

FESTEXAMOS O DÍA DA ÁRBORE

O mércores día 9 de abril saímos de excursión ao Centro de Recuperación de Aves do Rodicio.

Alí, os axentes de Medio Ambiente ensináronnos algunhas aves como o bufo real, a aguia cobreira, o alimoche, a curuxa e a cegoña entre outras aves. Tamén puidemos ver un lobo dende moi cerca, varios cabalos e potros e mesmo un estanque con tartarugas. Tamén estivemos presentes na posta en liberdade dunha ave xa recuperada.

A hora de xantar dirixímonos ao Viveiro e Centro de Interpretación Forestal dos Milagres onde visitamos a súa exposición.

Dende a Biblioteca do Rato agradecemos aos axentes de medioambiente a súa invitación e participación nesta visita onde aprendemos moitas cousas gozando dun estupendo día nun agradable entorno.

Customize your own picture slideshow

SEMANA DA LITERATURA INFANTIL E XUVENIL

O 2 de Abril festexamos na Biblioteca do Rato o día da Literatura Infantil e Xuvenil. Pola mañá visionamos a película "James y el melocotón gigante" baseada no libro de Roald Dalh, un pioneiro na Literatura Infantil inglesa.

Pola tarde tivemos uns contacontos moi especiais: Lourdes, a mamá de Meri, contounos unha lenda moi especial pertencente a nosa comarca, sobre a virxe da Ponte Peidiz. Tamén nos mostrou dous libros antigos, un manuscrito e as ordenanzas municipais do concello de Freás de Eiras que data do ano 1899. Cristina, a mamá de Ana e Adrián, contounos a lenda de mouros da Serra Silvana, tamén moi característica da zona e

Jorge, o papá de Analía, contounos unha fermosa fábula do rey da selva, o león, onde unha vez, se demostra como o amor e a amizade triunfan.

O venres, os alumnos de 2º grupo, preparon un teatro de marionetas onde representaron dous contos: "Os sete Cabritiños" e " Pulga e Xigante".

Aquí podedes ver as fotos e os vídeos dos contos dos alumnos do 2º grupo.

Free digital slideshow made with Smilebox

SETE CABRITIÑOS  https://www.youtube.com/watch?v=cGgIUyS2avM&feature=youtu.be

PULGA E XIGANTE https://www.youtube.com/watch?v=J5syIaJ4TmQ&feature=youtu.be 

Dende aquí agradecemos a colaboración dos papás e mamás, que se animaron a participar nesta actividade e grazas aos que pasamos unha tarde moi amena.

EN ABRIL, LIBROS MIL

Este mes temos moitas actividades na Biblioteca do Rato para festexar o día da Literatura Infantil e Xuvenil, o día do Libro e o día da Árbore.Aquí vos deixo un avance. Esperamos que as disfrutedes moito!

ESTRENAMOS DECORADO NA ENTRADA DO COLE

Como ben sabedes o Rato é a mascota da nosa biblio e cando decidimos decorar a entrada ó colexio foi en quen primeiro pensamos. Decantámonos pola técnica do graffiti e o resultado podédelo ver nas fotos que vos deixo aquí abaixo.
Dende hoxe o Rato tamén nos dará a benvida cada vez que entremos no Ceip Rogelio García Yáñez.

Día da Muller

Desde a Biblioteca do Rato, coincidindo co Día da Muller, invitámosvos a que vexades o seguinte vídeo moi apto para reflexionar sobre a igualdade.

E tampouco podemos esquecer a película As Mestras da República, gañadora dun Goya 2014 á Mellor longometraxe documental. Nela pódese ver toda unha homenaxe a esas mulleres que loitaron polos seus dereitos e pola modernización da Educación.

Rosalía de Castro

Na Biblioteca do Rato celebramos o día de Rosalía cun recital de poemas por parte dos alumnos e alumnas de primaria. Despois de investigar sobre a súa vida e obra, escolléronse poemas da autora que os nenos/as copiaron e colorearon, para despois recitar. Finalmente fixemos unha montaxe que podedes ver no seguinte enlace:

           http://www.youtube.com/watch?v=1PGizyU3NiE