PACO NOGUERIAS VISITA A BIBLIOTECA DO RATO

Pola tarde Paco Nogueiras visitou a nosa biblio e disfrutamos dunha xornada do máis divertida escoitando contiños e cantado as súas cancións  ao son do seu uquelele e do seu acordeón.

PACO NOGUEIRAS - Kizoa Movie Maker

ENTROIDO

Un ano máis o noso Ratiño é o encargado das ordes do ENTROIDO. Como este ano, o proxecto da nosa biblio é a Arte e a Pintura, e estamos convertidos nuns auténticos pintores estudando e levando á práctica as súas correntes e técnicas o Rato proponnos disfrazarnos de pintores coas súas vestimentas e accesorios.

Poñédevos a deseñar e a buscar pinceis, paletas, a boina do avó unha camisa ou unha bata, unha boa maquillaxe e listo! Xa somos uns auténticos artistas!!

O CADRO DOS CÍRCULOS DE KANDINSKY

Para traballar as técnicas de Kandinsky decidimos facer unha réplica do seu cadro dos círculos que decora a entrada do colexio.

Tamén decoramos a nosa árbore seguindo esta técnica.

ACTIVIDADES 29 DE XANEIRO

O próximo venres 29 de xaneiro festexaremos o Día da Paz coas seguintes actividades:

- Representación teatral do libro: "A bruxa discordia".
- Contacontos : "O país dos Mandóns" e "Elmer"

- Cantaremos a canción "Tu enemigo" de Pablo López e Juanes.

- Elección do premio Nobel da Paz despois de facer a elección dos candidatos en cada clase.

- Pola tarde,  disfrutaremos coa actuación de Paco Nogueiras autor do cd " Brinca Vai"

KANDINSKY

Se no anterior trimestre lle tocou a Picasso neste iniciámonos con Kandinsky.
Déixovos un enlace coa súa biografía e outro coas súas obras.
En breve, subiremos o traballo que estamos a preparar seguindo as súas correntes.

EXPOSICIÓN DE LIBROS DE ARTE

Xa temos a vosa disposición uns cantos libriños de arte, de grandes pintores e de manualidades para que descubrades os grandes secretos e vos poidades convertir en grandes artistas. Non hai excusas para non intentalo!! Estanvos agardando!!

exposición libros de arte - Kizoa Movie Maker

BO NADAL!!!!

Dende a Biblioteca do Rato desexámosvos un BO NADAL, e que mellor xeito que facelo coas postais que elaboraron os nosos alumn@s.
Do mesmo xeito, aproveitamos para invitarvos ao festival de Nadal, que terá lugar o próximo xoves ás 15:00. Esperámosvos!!

This free picture slideshow generated with Smilebox

RECOMENDACIÓNS LECTORAS DA BIBLIOTECA DO RATO

Na Biblioteca do Rato celebramos un Nadal máis xuntos en compañía do noso Ratiño que un ano máis vestimos de Papá Noel.

Para que non esquezades engadir un libro na carta aos Reis e Papá Noel facilitámosvos a elección coas seguintes recomendacións.

Desexámosvos un Nadal cheíño de bos e felices momentos , e como non, acompañadas de moitas lecturas.

OS NOSOS PINTORES AO ESTILO DE PICASSO

Como sabedes, este trimestre estivemos estudiando ao gran Picasso. Coñecemos a súa andaza no mundo da pintura e as súas correntes artísticas. Despois de coñecelo a fondo imitamos os seus cadros. O resultado foi excelente. Ós alumnos chamáronlle tanto a atención os seus cadros e as súas correntes que fixeron unhas auténticas obras de arte, que están expostas na nosa Galería de Arte Rogelio García Yáñez, que se irá enchendo das obras dos nosos pequenos ao longo do curso.
Déixovos un enlace para que vexades os cadros dos nosos alumnos aínda que xa sabedes que estades todos convidados a vir velos en directo.

PICASSO - Kizoa Movie Maker