Xornal escolar FARAGULLAS

Despois de moito traballo xa temos aquí o noso xornal escolar FARAGULLAS. Deixamos nel moitos momentos de todo o curso. Botádelle unha ollada e veredes.

Recomendacións lectoras

Aquí vos deixamos unhas recomendacións lectoras para que no verán non deixedes de ler:

Un novo curso rematou e os alumnos e alumnas do 2º grupo de Ed. Primaria fixeron este videoclip recordatorio de todo o ano. Esperamos que vos guste.
Para ver o videoclip fai clic no seguinte enlace: http://www.youtube.com/watch?v=sprFvH_ImNk

CONTACONTOS NA BIBLIOTECA

O pasado venres, día 25 de maio, tivemos na biblioteca ó contacontos INACIO que coa súa guitarra "encollida" fixo as delicias de grandes e pequenos. Agradecémoslle desde aquí os bos momentos que nos fixo pasar.

  contacontos on PhotoPeach

FACENDO PAN

Os nenos e nenas do noso cole fixeron unha actividade que lles gustou moito: aprenderon a facer pan. Os monitores da mancomunidade que levaron a cabo dita tarefa ensináronlles todo o proceso da elaboración do pan, desde a sementeira do trigo, a sega, a malla, a moenda...ata a cocción no forno. Plasmaron todo eso nun mural e practicaron amasando cada un o seu pan e cocendo logo no forno da cociña do cole. O resultado foi moi apetitoso.

Facendo pan on PhotoPeach

VALENTÍN PAZ ANDRADE

Entre os diferentes traballos que fixeron os alumnos sobre o autor homenaxeado no día das letras, atópanse unhas actividades do Seminario Galán. Amosamos un exemplo:

Open publication - Free publishing - More boys

LETRAS GALEGAS


Este ano, como xa todos sabedes, o día das letras galegas está adicado a Valentín Paz Andrade. Na biblioteca  traballamos para acercarnos á súa vida e obra. Cada ciclo fixo actividades adecuadas ao seu nivel. Para empezar mostramos este vídeo do CEIP San Xoán de Filgueira, sobre un poema do autor: "Cando ti volvas..."

FELICIDADES MAMÁ!

Estes días estivemos moi atarefados preparando uns agasallos para o día da nai coas súas correspondentes postais de felicitación. Aquí vos deixamos un enlace para que lle botedes un vistazo.

Tarjeta created with Smilebox

DÍA DO LIBRO

Vista previa

Na biblioteca do Rato celebramos o Día do Libro coas seguintes actividades:

_ Contacontos. Aida e máis Lara, dúas nenas do terceiro ciclo de primaria, contáronlles aos seus compañeiros a historia  O PAÍS DOS MANDÓNS.
http://www.youtube.com/watch?v=O98iBSmJNZk&feature=relmfu

_Ós alumnos/as do primeiro grupo de primaria gústalles moito dramatizar contos e esta vez a cousa ía de ratos e gatos. Podedes velos no seguinte enlace:

http://www.youtube.com/watch?v=clkIU7K3K-8

_E para rematar, unha actividade que lles gusta moito ós cativos: apadriñamentos lectores. Os máis maiores léronlle un conto ós máis pequenos. Como o tempo non axudou e non puidemos saír ó patio para ler, cada parella escolleu o sitio que quixo: o corredor, as escaleiras, unha aula... pois calquera sitio é bo para ler.
Día do Libro on PhotoPeach