RECOMENDACIÓNS LECTORAS

Dende A Biblioteca do Rato facémosvos chegar as recomendacións lectoras para este Nadal.

É tempo de estar en familia, de pasalo ben con seres queridos, de dar e recibir agasallos...... Nalgúns deses coloridos paquetiños podería atoparse algún destes libriños.

Os que aínda non escribístedes a carta aos Reis ou a Papa Noel apurádevos e engadide un contiño na lista.

BO NADAL!!

BO NADAL!!

Dende A Biblioteca do Rato desexámosvos un Nadal cheo de momentos felices e que mellor maneira que facelo coas postais que fixeron os alumnos.

Make a free slideshow design Aproveitamos para convidarvos a todos ao Festival de Nadal que terá lugar o vindeiro xoves 18 ás 15:00. Esperámosvos!!

RELATOS DE CIENCIA

O alumnado do segundo grupo participou no concurso "A ciencia que conta". Aquí podedes ler as historias.
Moita sorte rapaces/as!!

 http://www.cienciaqueconta.com/"

LECTURAS DE NADAL

Xa tendes á vosa disposición unha selección de lecturas de Nadal para que pasades frías aventuras cos personaxes máis cálidos destas datas tan sinaladas. Animádevos!!

Digital slideshow personalized with Smilebox

FESTEXAMOS O MAGOSTO

O pasado venres celebramos o magosto no colexio. No seguinte enlace podedes ver o ben que o pasamos xogando aos tradicionais xogos populares como o encesta castañas, carreiras de sacos ou a construción de grandes torres con carozos de millo.

This slideshow created with Smilebox

PEQUENOS CIENTÍFICOS NA BIBLIOTECA DO RATO

Como ben sabedes os seguidores da Biblioteca do Rato, este ano estamos imersos nun proxecto científico e de cando en vez subimos ao laboratorio e experimentamos coa ciencia.
Neste caso experimentamos como un ovo dentro dunha botella con auga salgada resiste a un impacto, simulando o feto no ventre materno.
Para iso fixemos os seguintes pasos:

MATERIAIS

AUGA

OVOS

 SAL

 UNHA BOTELLA DE REFRESCO CORTADA POLA METADE

 CINTA ADHESIVA

PROCESO 1: 

Metemos o ovo na botella e pechámola coa cinta adhesiva. Deixamos caer a bottella ó chan e observamos que o ovo escacha.

PROCESO 2:                                     

Mesturamos o sal coa auga.

Metemos o ovo dentro da auga salgada e vemos que flota. 

Botamos a mestura da auga salgada na botella .

Metemos o ovo dentro da botella e volvemos pechala coa cinta adhesiva

Tiramos a botella ó chan e observamos que o ovo non escacha.

PROBAMOS 

APÓCEMAS E FESTA DE SAMAÍN

Un ano máis festexamos por todo o alto a festa máis esperada do Ceip Rogelio García Yáñez. Despois de decorar o colexio con todo tipo de motivos de Samaín a guinda final puxérona as cabazas decoradas polos alumnos e máis as súas familias. Son verdadeiras obras de arte!! Noraboa rapaces!!

Este ano, como ben sabedes os que visitades a miúdo o blog, propoñíamos a elaboración de apócemas de Samaín e este foi o resultado das arrepiantes apócemas con noxentos ingredientes que xurdiron da imaxinación dos nosos pequenos

Chegou o 30 de outubro. Un dos días máis esperados de todo o ano, tanto para profesores coma para alumnos. Este ano, invitamos aos nosos veciños e amigos do Ceip San Marcos de Cartelle a que compartiran con nós este terrorífico e arrepiante día de Samaín e a experiencia non puido ser mellor.
Comezamos a xornada co visionado dunha película de medo, seguimos con talleres e xogos de Samaín e por fin chegou o momento máis esperado; o túnel do terror! Xantamos e tivemos un postre moi especial plátanos - pantasma e mandarinas disfrazadas de cabaza. Pola tarde degustamos unha deliciosa apócema de Samaín e recibimos un agasallo moi doce.
No seguinte enlace podedes ver o ben que o pasamos!!

Create a slideshow design

Relatos de Samaín

24 DE OUTUBRO, DÍA DAS BIBLIOTECAS ESCOLARES

Un ano máis, no día de hoxe rendimos homenaxe a nosa Biblioteca.

 Este ano Iago Santos visitou a Biblioteca do Rato e gozamos dunha divertida sesión de contacontos.
Así de ben o pasamos.

DÍA DAS BIBLIOTECAS - Movie Maker

O NOSO COLE NO XORNAL