ENCONTROS DE TEATRO

Os alumnos e alumnas de 4º, 5º e 6º de Primaria, un ano máis, fixeron unha excelente representacíón teatral nos "XXI Encontros de Teatro Escolar e Amateur " que se celebran cada ano no concello de Bande.

Aquí podedes  ver as fotos da representación.

TEATRO DE BANDE - Kizoa Editar Videos - Movie Maker

LETRAS GALEGAS

Estas semanas traballaremos coa figura de Manuel María. Para iso dende as distintas clases repasaremos a súa biografía a través dos carteis informativos que a Consellería de Educación proporcionou e que xa están expostos no colexio á disposición do alumnado. Do mesmo xeito, traballaremos coas actividades en liña que nos proporciona o Seminario Galán e podedes acceder dende o seguinte enlace:

http://seminariogalan.org/inicio/portada

Un ano máis asistiremos aos Encontros de Teatro Escolar e Amateur que organiza o Concello de Bande, onde os alumnos e alumnas de 5º e 6º de Primaria representarán a obra teatral: " Aprende Cachola, que estamos na escola"

Este ano, por primeira vez, iremos de invitados ao Festival das Letras Galegas que organiza o Ceip San Marcos do concello veciño de Cartelle.

SALVADOR DALÍ

Empezamos con outro grande do eido da pintura,Salvador Dalí. Xa estudamos a súa vida e os seus cadros, que nos chamaron moito a atención.
Agora estamos coa parte práctica. Cando rematemos amosarémosvos o resultado. Mentres tanto, déixovos a súa biografía e os seus cadros para que lle botedes unha ollada.

CADROS DE DALÍ

BIOGRAFÍA DE DALÍ

XORNADAS DE CONTACONTOS E EXPOSICIÓNS ARTÍSTICAS

Como ben sabedes, para festexar o DÍA DO LIBRO na Biblioteca do Rato, decidimos levar a cabo unhas Xornadas de Contacontos e Exposicións Artísticas. Todos os pais, nais e alumnos voluntarios participaron nas sesións do luns e do mércores. Tivemos contacontos que contaron os seus contos de propia elaboración, teatro de títeres sobre pintores, exposicións artísticas diversas onde nos explicaron os pasos a seguir para a elaboración de manualidades e mesmo descubrimos a técnica do zentagle, que nos conseguiu relaxar a todos.

Déixovos as fotos das dúas sesións para que vexades as nosas artistadas!!

xontacontos e exposicións artísticas - Kizoa Editar Videos - Movie Maker

FELIZ DÍA DO LIBRO

Os libros, os nosos instrumentos de traballo que día a día pasan polas nosas mans e son percibidos por todos os sentidos. O máis común é usar o sentido da vista, xa que para descifrar as mensaxes que agochan no seu interior, temos que usar os nosos ollos pero tamén os podemos ulir, quen non experimentou a sensación de ulir os libros noviños cando empeza o cole? Podemos tocalos e percibir as texturas e algúns ata os podemos oír. Sen emabargo, o máis emocionante de todo é que os podemos sentir. Cada libro encerra unha viaxe distinta que nos fai vivir e experimentar mundos que aínda non descubriramos, senon que llo digan a Don Quixote, el foi o maior soñador de libros, deixando libre a súa imaxinación metíase dentro do libro e viviu aventuras imaxinables.

Se vós queredes vivir aventuras como fixo Don Quixote, adiante!! Soamente precisades un medio de transporte; UN LIBRO

Un ano máis, este,  de xeito especial polos 400 anos da súa morte, lembrámonos de MIGUEL DE CERVANTES, nun día tan sinalado.

 No seguinte enlace podedes escoitar e ler capítulos do Quixote e xogar cos seus xogos:

http://nea.educastur.princast.es/quixote/index2.htm

Dende a Biblioteca do Rato desexámosvos un FELIZ DÍA DO LIBRO. Déixovos o díptico que a Asesoría de Bibliotecas Escolares de Galicia nos achegou para que leades o fermoso texto de Pedro Feijóo : "Os libros son para valentes?"  Eu son valente e vós?

Para a semana festexaremos A SEMANA DO LIBRO coas "Xornadas de Contacontos e Exposicións Artísticas" de pais, nais e alumn@s que terán lugar os días 25 e 27 de abril de 14:50 a 15:50 na Biblioteca do Rato.
Déixovos o programa para que lle botedes unha ollada.

SEMANA DA PRENSA

Os xornais, eses exemplares cheos de información que temos arredor e que agochan noticias de todo tipo, pasatempos, información metereolóxica e artigos interesantes cos que podemos practicar a lectura e a súa comprensión. Xustamente foi iso o que fixemos hoxe pola tarde na Biblioteca do Rato.

Traballamos co suplemento "Xornal Escolar" que acompaña todos os mércores o periódico "La Región" e do cal somos noticia en moitas ocasións. Cada grupo de alumn@s tiña que ler unha noticia, recoller as ideas máis importantes e expoñela ao resto de compañeiros. 

Resultou unha actividade moi interesante, onde unha vez máis aprendemos unha chea de cousas.

Así de ben o pasamos!!

TRABALLAMOS COA PRENSA - Kizoa Editar Videos - Movie Maker

XORNADAS DE CONTACONTOS E EXPOSICIÓNS ARTÍSTICAS

Na biblioteca do Rato xa temos todo listo para as vindeiras "Xornadas de Contacontos e Exposicións Artísticas" na que participarán alumn@s, pais e nais e que terán lugar o próxima luns 25 e mércores 27 ás 14:50 na nosa biblio con motivo da conmemoración do día do libro.

Estades todos convidado@s!!

Podedes ver o programa aquí.

CADROS DE VAN GOGH

Despois de estudar a Van Gogh, repasar a súa biografía, os seus cadros e corrente artística reproducimos os seus cadros. Podédelos ver no seguinte enlace ou en directo na Galería de Arte Rogelio García Yáñez.

cadros van gogh - Kizoa Editar Videos - Movie Maker

SAÍMOS E TELEMIÑO

Como xa vos informavos, fai uns días,  as cámaras de telemiño acudiron o Picouto a gravar o noso cole e os alumnos foron os encargados de presentalo. Días despois acudimos ao plató de telemiño para rematar de gravar o programa e poñer a proba o concursante deste ano, que como xa sabedes, foi Jose, o noso profe de Ed. Física. Se queredes saber se foi quen de pasar as probas dos seus alumnos non vos perdades a emisión do programa.

Pinchando no seguinte enlace podedes ver o programa XORNAL ESCOLAR.

PROGRAMA XORNAL ESCOLAR 1ª PARTE

PROGRAMA XORNAL ESCOLAR 2ª PARTE


Nesta semana tamén saímos no suplemento Xornal Escolar da Región cun avance do que sería o programa de telemiño.

Saímos así de guap@s!!