NADAL

A poucas horas de que os Reis Magos visiten as nosas casas, deixámosvos unhas fotos da video- chamada que nos fixeron as maxestades o 21 de decembro. 

FELIZ NOITE DE REIS MAGOS!

RECOMENDACIÓNS PARA O NADAL!

Aquí tedes unhas cantas lecturas que vos recomenda o noso ratiño para este Nadal.

FELICES FESTAS E BOAS LECTURAS!

Premede na imaxe se queredes descubrilas...

LECTURAS DE NADAL

Estamos a piques de chegar a esta época tan familiar que tanto nos gusta, e por iso xa tendes a vosa disposición unha selección de lecturas de Nadal.  O noso Ratiño invítavos a que o mércores vos pasedes pola exposición e disfrutedes moito destes libros tan fermosos.

NON Á VIOLENCIA DE XÉNERO

Como cada ano, o 25 de novembro conmemórase o Día Internacional  contra a Violencia de Xénero. 

Nós tamén quixemos dicir NON e para iso, o pasado mércores 25, levamos a cabo unha serie de actividades. Comezamos coa visita de dúas compañeiras da Cruz Vermella, que nos deron unha pequena charla sobre este tema e posterior reflexión. A continuación cada alumn@ deseñou unha camiseta con palabras ou frases contra a violencia de xénero. Por último mostramos as camisetas nun mural para concienciarnos da importancia deste día. 

Aquí vos deixamos unha mostra do traballo realizado.

MONSTROS DE SAMAÍN

Este ano a Biblioteca do Rato propuxo  crear monstros de Samaín. 

Os nenos e nenas crearon o seu propio monstro empregando distintos materiais. Tamén describiron como son e os poderes que teñen.

Todos os traballos quedaron recollidos nun caderno que podedes atopar na Biblioteca.

Mirade que medo dan!!!

Pincha na foto para ver o resultado.

DÍA UNIVERSAL DA INFANCIA

O 20 de novembro é un día moi importante xa que se celebra o Día Universal d@ Nen@ e se conmemoran os aniversarios da adopción da Declaración Universal dos Dereitos d@ Nen@(1959) e a aprobación da Convención dos Dereitos d@ Nen@(1989).

Aquí vos deixamos un pequeno conto sobre os Dereitos dos nenos e das nenas e un mural feito polos alumnos/as de EI para celebrar este gran día. 

MAGOSTO 2020

O pasado venres 13 de novembro celebramos unha das festas que máis nos gustan: O MAGOSTO! 

Gozamos dun marabilloso día de sol que nos permitiu facer unha fogueira para asar os chourizos e as castañas e comer no patio do cole. Tamén degustamos un riquísimo chocolate e bica.

Tampouco faltaron os xogos tradicionais cos carozos de millo e como manda a tradición, pintámonos coa cinsa.

Mirade que ben o pasamos!

SAMAÍN!

Xa está aquí o Samaín!

O venres día 30 de outubro, celebramos a nosa festa por excelencia. Este ano non puidemos disfrutar do noso túnel do terror pero pasamos unha xornada do máis arrepiante. 

Chegamos pola mañá disfrazados/as e maquillados/as para meter moito medo. A continuación disfrutamos dunha peli de terror e de actividades moi divertidas de Samaín. Á hora de comer, puidemos degustar un delicioso menú elaborado pola nosa cociñeira Alicia en colaboración de espíritus malignos e de agasallo unha bolsiña de chuches monstruosas. 👻👾

Que rico estaba todo e que ben o pasamos!!

XA CHEGA, XA ESTÁ AQUÍ O SAMAÍN

 A nosa festa favorita está a piques de chegar, e así de decorado está a noso cole!!

E mirade que cabazas máis terroríficas!