DÍA INTERNACIONAL DA MULLER

O día 8 de marzo conmemoramos o día internacional da muller. Para celebralo, nesta ocasión acudiu ao centro a contacontos Uxía Morán para expor os seguintes contos: "Ricitos de oso", "Maruxa", "Guapa", "Princesa rebelde", "Daniela pirata".

Tamén fixemos distintas actividades nas aulas, como un ordenador conmemorativo e unhas flores moi bonitas que colocamos nun mural  que fixemos sobre Frida Kahlo.

Aquí tedes unhas fotiños das actividades.

CIBERSEGURIDADE

O pasado 2 de marzo, os alumnos e alumnas de 4º, 5º e 6º de EP asistiron a unha charla impartida pola Garda Civil sobre CIBERSEGURIDADE. 

Esta charla é unha das actuacións incluídas dentro do Plan Director para a convivencia e a mellora da seguridade nos centros educativos e nos seus contornos, impartidas por persoas expertas das Forzas e Corpos de Seguridade do Estado.

DÍA DE ROSALÍA DE CASTRO 2023

Este ano no Rogelio García Yáñez conmemoramos o días da nosa escritora máis internacional elaborando unhas casiñas con poemas seus.

FELIZ DÍA!!!!

TALLERES ALIMENTACIÓN E VIDA SAUDABLE

O pasado xoves 23 de febreiro visitou o noso cole o nutricionista Miguel Portomeñe, que forma parte do servizo de atención primaria de Celanova, para realizar un taller titulado "Comendo cores" sobre nutrición e alimentación saudable.

VIVA O ENTROIDO

 

Como non podía ser doutro xeito, durante a semana do 13 ao 17 de febreiro festexamos o Entroido. De luns a xoves seguimos as mandas do meco para converternos nuns auténticos "rockeiros".

O venres 17 acudimos ao cole disfrazados dende as nosas casas. Pola mañá bailamos, divertímonos e corremos polo patio. Despois pintamos e decoramos con cores as olas de barro, que usamos pola tarde para xogar. Á hora do xantar degustamos un delicioso cocido e as típicas orellas de Entroido.

Pola tarde, os alumnos de primaria, xogamos a ser auténticos "carnavaleiros" coas olas de barro e os alumnos de infantil fixeron o mesmo coas súas piñatas.

Así de ben o pasamos neste estupendo día de Entroido.

ENTROIDO

Un ano máis o ENTROIDO está chegando. Aquí vos deixamos os mandatos deste ano. O venres, cada neno/a poderá vir ao colexio co disfrace que máis lle guste e desfrutaremos desta festa que tanto nos gusta.

Recordade que no ENTROIDO DE RAMIRÁS, manda o RATO e ninguén máis!!

DíA DA PAZ

O pasado 30 de xaneiro celebramos o día da PAZ. Para festexar esta data tan especial preparamos durante varios días estas actividades:

- Fixemos mariposas e mensaxes que colocamos neste mural tan chulo:

    - Ensaiamos e bailamos a canción "El mismo sol":

   Recorda que a PAZ hai que celebrala todos os días do ano.

  Bicos de Rato 😊

NADAL 2022

 

NON A VIOLENCIA DE XÉNERO

 O 25 de novembro celebramos no cole o NON a violencia de xénero. 

Elaboramos un mural coas nosas mans e distintas mensaxes, baixo o lema EVITAR A VIOLENCIA ESTÁ NAS TÚAS MANS.

Tamén os alumnos de infantil traballaron o conto VIVAN AS UÑAS DE CORES!