DÍA DO LIBRO

Vista previa

Na biblioteca do Rato celebramos o Día do Libro coas seguintes actividades:

_ Contacontos. Aida e máis Lara, dúas nenas do terceiro ciclo de primaria, contáronlles aos seus compañeiros a historia  O PAÍS DOS MANDÓNS.
http://www.youtube.com/watch?v=O98iBSmJNZk&feature=relmfu

_Ós alumnos/as do primeiro grupo de primaria gústalles moito dramatizar contos e esta vez a cousa ía de ratos e gatos. Podedes velos no seguinte enlace:

http://www.youtube.com/watch?v=clkIU7K3K-8

_E para rematar, unha actividade que lles gusta moito ós cativos: apadriñamentos lectores. Os máis maiores léronlle un conto ós máis pequenos. Como o tempo non axudou e non puidemos saír ó patio para ler, cada parella escolleu o sitio que quixo: o corredor, as escaleiras, unha aula... pois calquera sitio é bo para ler.
Día do Libro on PhotoPeach

RECITADO DE POEMAS

Deixámosvos a continuación o recitado de poemas que fixeron os alumnos para celebrar o día da Poesía.

http://www.youtube.com/watch?v=SBF4RfIHwPk&list=UUGcx31xFTL8h16iq5BHIZ9Q&index=1&feature=plcp

ÁRBORES, POEMAS E TEATRO

Na Biblioteca do Rato despedimos o trimestre celebrando tres datas importantes nos últimos días: día da árbore, día da poesía e día do teatro. Entre as actividades para celebrar o día da ábore estaba prevista unha saída para plantar árbores, pero por causas alleas ao cole pospúxose para abril. En canto se celebre colgaremos as fotos. No seu lugar vimos a película "El Bosque Animado" e un documental sobre árbores singulares e monumentais.

http://www.youtube.com/watch?v=BQQyHrE8u30


Os alumnos/as do segundo grupo de primaria puxeron en escena para todos nós a obra titulada "A eclipse de sol". Os máis peques riron un pouco e foi a nosa maneira de celebrar o día do teatro.

http://www.youtube.com/watch?v=JDV8q1YSf0M&context=C48e6fe7ADvjVQa1PpcFM7MgIfslzkBCtRJpP1RxQiX7djox67SnA==


Celebramos o día da Poesía cun recitado de poemas. Tódolos nenos e nenas, dende infantil a 6º de primaria, aprenderon de memoria uns poemas e despois recitáronos para os seus compañeiros. E para rematar tivemos unha conta contos moi especial: a nosa Teacher, que nos deleitou a todos cun conto moi poético: O MAGO GOMA.

O sabor da aventura está no mar

Hoxe dous simpáticos actores contáronnos dunha forma moi divertida as propiedades do peixe. Así uns dannos enerxía, outros son bos para a intelixencia... e todos eles son moi, pero que moi saúdables. E eso porque o noso cole participa na campaña da Xunta "O sabor da aventura está no mar".


O sabor da aventura está no mar on PhotoPeach

FELICIDADES PAPÁ

Dende a biblioteca tamén conmemoramos o día do pai. Este ano cada clase fixo uns pequenos agasallos: os de Infantil uns chaveiros os de 1º grupo un marco de fotos e os de 2º grupo unhas caixiñas en forma de camisa con corbata. Estes agasallos van acompañados dunha felicitación escrita por eles mesmos. Dende aquí felicitamos a todos os papás e desexamos que pasedes moi bo día!!

Tarjeta created with Smilebox

Semana da prensa

Celebramos a semana da prensa cunha exposición de diferentes xornais.Os alumnos participaron traendo tamén diferentes exemplares. Houbo lectura e comentario das noticias que máis lles chamaron a atención aos nenos e aproveitouse para ver as distintas seccións dun xornal: portada, internacional, nacional, local, sociedade, cultura, carteleira, anuncios breves,deportes, economía, bolsa, pasatempos...Os alumnos/as do segundo grupo de primaria estudiaron tamén as partes dunha noticia: titular, antetitular, subtitular, entradiña,corpo da noticia, así como que unha noticia debe responder ás preguntas: que, quen, donde, cando, como, etc. Finalmente redactaron as súas propias noticias.

A MASCOTA DA BIBLIOTECA

A mascota da Biblio está más viva ca nunca animando a ler a todos os nenos e a vivir novas aventuras xuntos.

Customize a photo collage

COMICS

Os alumnos de 3º de Educación Primaria realizaron uns comics. Esperamos que vos gusten.
COMICS on PhotoPeach

Castellanos de Castilla

Os nenos e nenas do segundo grupo de primaria colorearon estes versos de Rosalía pertencentes ao poema Castellanos de Castilla. A súa lectura serviu para falar da emigración en tempos de Rosalía e nos nosos días, e tamén noutros momentos do século pasado.
Rosalía on PhotoPeach