DÍA DO LIBRO

O vindeiro luns 23 de Abril, festexaremos o día da Libro na Biblioteca do Rato coa visita de Nati, que nos ten preparados uns contiños para pasalo xenial xuntos!! Esperámosvos!!

DÍA DA ÁRBORE ,DA POESÍA E DA AUGA

Onte foi o Día da Árbore e da Poesía e hoxe o Día da Auga, deste modo, estes días recordamos  a importancia das árbores e da auga  nos nosos bosques, na nosa contorna e nas nosas vidas. Nestes días achegámonos a estas fontes de aire puro tan necesarias para humanidade lendo o libro que nos proporcionou a Deputación de Ourense que leva por título " A invención do Salgueiro en Ourensanía" e traballando desde as aulas a concienciación e importancia do coidado da natureza, dos nosos bosques, das árbores tan importantes para a humanidade e o bo uso da auga no noso planeta.

Hoxe prantamos un salgueiro e un castiñeiro no patio do cole e aproveitamos a fantástica tarde de primavera para facer un apadriñamento lector onde os máis maiores lle leron poemas aos máis pequenos.

Así pasamos a xornada.

A Biblioteca Do Rato's Slidely by Slidely Slideshow






Os alumnos de 1º e 2º decoraron un pequeno poema para facer honra ás árbores. Así lle quedaron

A VOLTA AO MUNDO NUN BALÓN

Este trimestre seguimos montados nun balón, investigando e traballando na búsqueda de información dos países seleccionados dos seguintes mundais de fútbol que nesta ocasión foron: Estados Unidos 1994, Francia 1998 e  Corea - Xapón 2002
Como no anterior trimestre cada clase de primaria seleccionou a información, decorou un mural con imaxes e datos característicos que loce nos corredores do colexio e desta volta preparamos unha presentación de power point para acompañar á exposición de cada país que tivo lugar hoxe na nosa biblio. Os alumnos de infantil pintaron e decoraron as mascotas dos tres mundiais

Así de bonitos locen os nosos murais e así expuxemos a presentación na nosa biblio.

A Biblioteca Do Rato's Slidely by Slidely Slideshow



Podedes botarlle unha ollada á información recompilada de cada país:

8 DE MARZO, DÍA DA MULLER

Hoxe 8 de marzo, conmemoramos o día da muller. Nesta ocasión un equipo da Cruz Vermella de Celanova acudiu ao centro para falarnos do día da muller baixo o lema " Feminismo, mi superpoder", defendendo a igualdade e o recoñecemento da muller en tódolos ámbitos.

No día de hoxe lembrámonos de todas as mulleres e felicitámolas polo seu día a día, polos seus "superpoderes", polo seu labor desempeñado e  pola súa loita constante por un mundo mellor en igualdade 100%.

PARABÉNS ROSALÍA

Hoxe rendemos homenaxe á nai das nosas letras, a loitadora que rexurdiu a lingua galega!!

PARABÉNS ROSALÍA!! 

Nesta oacasión escribimos os seus versos para decorar as ventás,  #AbridedeAsFiestras, seguindo a idea que propón a AELG e despois fixemos un libro de poemas para a nosa biblio.

Así o fixemos e así nos quedou!!

A Biblioteca Do Rato's Slidely by Slidely Slideshow

ROSALÍA DE CASTRO

 

Esta semana dende as clases de lingua galega rendiremos homenaxe á nai das Letras Galegas, ROSALÍA DE CASTRO.
Repasaremos a súa biografía, andanzas así como os títulos dos seus libros máis importantes. Cada clases traballará un poema e cada alumno decorará unha estrofa do poema para compoñer un libro para a nosa biblio.
Podedes escoitar os seus poemas musicalizados así como a súa biografía nos seguintes enlaces.

A VOLTA AO MUNDO NUN BALÓN

Seguimos embarcados na nosa aventura dando a volta ao mundo.
Neste trimestre estamos estudando Estados Unidos, Corea-Xapón e Francia.

ENTROIDO

Esta foi unha especial semana de Entroido. Coma todos os anos o noso Ratiño foi o encargado de dar as ordes e este ano o fútbol foi o protagonista e tocou vestirse de futbolistas.
Dende as distintas clases estudamos e pintamos as máscaras máis características do Entroido así como as comidas máis tradicionais.
Hoxe venres gozamos dunha bonita xornada de Entroido. Todos disfrazados decoramos as olas, os máis maiores xogaron con elas e os máis pequenos tocoulle achegarse as piñatas e tentar rompelas.
Así de guapos estabamos e así de ben o pasamos!!

Another free photo slideshow by Smilebox

ESTE ENTROIDO VAI DE FÚTBOL

No entroido de RAMIRÁS, o Rato manda e ninguén máis!!

Como ben sabedes este ano a ventura do proxecto vai de fútbol así que o Ratiño para este Entroido quere que nos vistamos coma el para animar e seguir á selección española!!
Preparade as vosas camisetas, pantalóns e demais accesorios de fútbol e lembrade que no Entroido todo vale, así que podedes pintar e decorar as vosas camisetas e pantalóns para a ocasión!!