HAIKUS POLA PAZ

Aquí vos deixo o noso libro de Haikus da Paz.
fai clic na foto para ver o libro.
Saudiños do Rato!!!

DÍA DA PAZ

Onte, 30 de xaneiro, celebramos o día da paz no cole. Para festexar esta data tan especial preparamos durante varios días unhas cantas actividades.

• Fixemos haikus pola paz, que agrupamos para facer un libro que, coma sempre, podedes ver na Biblioteca do Rato.
• Taller musical: ensaiamos e aprendemos a canción "Xa chegou o día da paz"
• Taller artístico: elaboración do mural "Construímos a paz" e o mural de Educación Infantil.
• Onte pola tarde puidemos gozar dunha actividade de contacontos amenizada por de Uxía Morán.

Pasámolo xenial neste día, pero recorda que a PAZ hai que celebrala todos os días do ano.

Bicos do Rato!!!!🐁💋💋💋🐁

O SUPERPODER DE DESCUBRIR: A PREHISTORIA

Hoxe fixemos a exposición sobre os achados, inventos e descubrimentos que tiveron lugar na prehistoria e que estivemos estudando durante o primeiro trimestre do curso, dentro do noso proxecto anual "O superpoder de descubrir".
Na biblioteca do Rato apareceron auténticos trogloditas. Que medo!!!
Aprendemos moitas cousas e pasámolo xenial!!!!

OS BOLECHAS NA BIBLIOTECA DO RATO

O venres 20 de decembro tivemos unha visita moi especial.
Os Bolechas visitaron o noso cole e compartiron unha mañá fantástica e chea de emocións cos nenos e nenas do Rogelio García Yáñez.
Bailamos, cantamos, montamos no seu coche, fixemos mil e unha fotos....foi unha xornada xenial.
Aínda por riba, antes de marchar deixáronnos uns cantos agasallos.
Grazas por vir, amigos Bolechas!!!
Grazas a REBULIR por facer posible este día!!!!

DE VISITA POR CELANOVA

O xoves 19 de decembro fomos de visita a Celanova.
Por causa das malas condición metereolóxicas desa noite non puidemos realizar a actividade de patinaxe que estaba prevista, pero puidemos ver o belén que se atopa no interior do mosteiro e facer unha ruta polo instituto de Celanova, guiada por Adrían, o director. Moitas grazas!!!!
Despois fomos ata a casa de Curros Enríquez, na que nos agardaba unha espectacular xincana coa que gozamos un móntón e aprendemos moitas cousas deste poeta local.
Así de ben o pasamos!!!!!