GRAVAMOS PARA O XORNAL ESCOLAR

A semana pasada vivimos unha experiencia única! Un equipo de Telemiño veu gravar ó cole e os alumnos fixeron de reporteiros, sendo eles mesmos os que presentaron o cole.

O venres asistimos ao plató e gravamos para o programa "xornal escolar". En canto saibamos a data de emisión farémolo saber para que nos vexades.

Dende o Ceip Rogelio García Yáñez, e especial dende A Biblioteca do Rato agradecemos a todo o equipo de Telemiño por brindarnos a oportunidade de coñecer o mundo da tele e vivir unha nova experiencia para nós.

Hábitos saudables

     Os alumnos de infantil estiveron a traballar nas últimas semanas sobre alimentación sana e equilibrada e vida activa, seguindo un programa desenvolvido pola obra social "La Caixa". Dito programa toma como punto de partida a necesidade de coñecer e coidar o noso corpo, saber como funcionan os nosos sentidos e emocións. Unha boa dieta e facer exercicio axudan a conseguir un maior benestar emocional e físico e a previr enfermidades.

• 

                                                  

                                                                             

EXPOCIENCIA RAMIRÁS

Dende a Biblioteca do Rato estamos a organizar unha EXPOCIENCIA que terá lugar no mes de abril.

Animamos a toda a comunidade educativa: pais, nais, alumnos, antigos mestres e todos aqueles que estean a ler esta notificación,e o desexen,  a expoñer un sinxelo experimento, práctica científica ou algunha curiosidade realacionada coa ciencia.

Todos aqueles interesados, podedes chamar ao colexio para máis información e para concertar día de exposición.

Animádevos a facer da nosa biblioteca un pequeno laboratorio, para que todo o alumnado poida gozar dunha xornada de convivencia e ao mesmo tempo estudar a ciencia dende outro punto de vista.

LEMBRAMOS A ROSALÍA

Durante esta semana rendimos homenaxe a Rosalía de Castro traballando cos seus poemas e repasando as súas vivencias.
Aquí podedes ver os traballos e as fotos da súa homenaxe.

Rosalía - Kizoa Movie Maker

O DÍA DE ROSALÍA

Hoxe 24 de Febreiro lembrámonos de Rosalía, a nai das letras galegas.

Durante esta semana traballaremos cos seus poemas e repasaremos a súa andanza.

 

 

ESTE ANO VAI DE CIENCIA

Como ben sabedes, este ano o proxecto no que andamos a traballar vai de ciencias e tanto as exposicións de libros como as mochilas viaxeiras ofrertan libros e enciclopedias deste campo.
Estamos a traballar na elaboración dun caderno de experimentos e de cando en vez poñémonos mans a obra.

Neste caso observamos como unha simple boliña de papel non é capaz de entrar nun botella de plástico.

  MATERIAIS A EMPREGAR.

 Botella de plástico.

Anaco de papel.

PROCEDEMENTO 1

Colocamos a boliña de papel na boca da botella e tentamos soprar.

A boliña non entra na botella, senon que sae disparada.

PROCEDEMENTO 2

 Facemos un buraco na botella e poñemos a boliña na boca da botella.

 Sopramos e agora conseguimos que a boliña entre.

 

 EXPLICACIÓN

Na primeira execución a botella está chea de aire e non hai espazo para acomodar o aire que se lle envía. Así, si entra algo de aire sorteando a botella, o aire interior é expulsado botando fóra a boliña de papel.

Si lle facemos un buraco a botella, conseguiremos que a boliña de papel entre, pois ao mesmo tempo que entra o aire pola boca da botella sae polo buraco e deste xeito a boliña de papel non é expulsada por ningunha forza de aire e consigue entrar na botella.

Deste xeito comprobamos que  botella non está baleira, senón chea de aire.

 

O ENTROIDO DE RAMIRÁS

Como ben sabedes, a nosa mascota, o Rato, é o encargado de dar as ordes para a semana de Entroido. Este ano tocaba vir de cociñeiros e entre gorros, mandiles e demais utensilios de cociña o colexio convertiuse, por unha semana, nunha escola de grandes chefs.
Pola semana, dende a Biblioteca, traballamos, para coñecer un pouco máis os Entroidos galegos de máis sona como o de Laza, Verín, Xinzo ....... e as súas máscaras.
O venres, xa disfrazados, disfrutamos dunha especial festa de Entroido con piñatas para os máis pequenos e o xogo das olas, imitando ao domingo oleiro de Xinzo de Limia, para os maiores.
Pasámolo así de ben!!

PARA TRABALLAR O ENTROIDO

Enlaces para saber máis do ENTROIDO.

https://dl.dropboxusercontent.com/u/13783708/librolim_entroido_tradicional/lim.swf?libro=o_entroido_tradicional_galego.lim

http://www.chiscos.net/almacen/lim/entroido4/lim.swf?libro=entroido.lim

http://www.chiscos.net/almacen/lim/entroido-anam/entroido-anam.html

http://chiscos.net/f1/entroidocolaborativo/lim.swf?libro=entroidocolaborativo.lim

https://dl.dropboxusercontent.com/u/14722558/ENTROIDO/entroido.html

AS ORDES DO RATO PARA O ENTROIDO

Un ano máis o Rato é o encargado de dar as ordes para este Entroido.

Cada día debedes de traer posto unha parte do traxe de cociñeiro para convertirnos en auténticos chefs!!

A buscar na cociña, a ver que atopades!! Xa sabedes que no Entroido todo vale!!